Matiu 17:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 17:20 ပူးပေါင်းရင်းမြစ်များ

Matiu 13:31

Yesu fato bame ka mone ma luto lu epi'ehina: Kokulumamofihi kapo'aya nose'na legeya'amofihi suhi luto ni'ibe. To ana nose'na legeya'a masiteti yabe lite lilata nehabe. Ana nose'na legeya'a bo moneuba lito foya'agu nokafabe.

Matiu 14:29

Ya ligo Yesu lu emi'ehina: Obo. Ya ligo Pitau botiguti leheko limiloto nagami mupa'alo li hapi fito kapo moloto Yesu nohinalo bu'ehina.

Matiu 17:17

Ya ligo Yesu ka'alo lu'ehina: Akae, lenali yatai kanalo boana'ise, lenali ka keheli ule'ale huse'natini meminabe, to komopatini bebe soto meminolata hibe. Henaki yupahi lenali hiti nani minoto foipanatini kofeli'ali nohube? To ana bomofi kumu ma luto lu emi'ehina: Panaka le'moto maga obo.

Matiu 17:19

Yalo Yesuhi koko pana'asigo Yesutoga elete ma lite loka he'ahana: Hena hu'ehigo lali foipa fele ho menolufune?

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 21:21

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.

Matiu 8:26

Yesu lu epi'ehina: Koli gofana nehana henabe lutobe? Nani kumu kehelise'natini nesi'asi ni'igo ule'ale hitemo memine'ahabe. Ko'ehinati ho tiloto ana sipi amuya habapofihi hiti to nagami'i bilina hiti kaga lu etimigo analo mele'isi felele huto bu'ehina.

Maki 11:22

Ya ligo Yesu ma luto lu epi'ehina: O'yo, Hu'ma amuya bo nohinamofitoga keheli ule'ale hite minalo.

Maki 11:23

Lusiga lu nolepube. Lenali bo moneubafi moneuba mana kosamofihi ka emekito: Managati he'mito buto sipi nagamilugu folobo, luto noluto to komopa'agu ekesa loe lae mehuse ma'naka luto huto hilibe luto keheli ule'ale hinogo, Hu'mau ka'a kehelito anana hu etalina'mu yabe.

Maki 4:31

Ya'ma legita ni'ibe. Nose'na mone'mofihi bigaha'a kitili ketele'asi ni'inagi aku'i melugu kofolenogo tito asaga nose'na bege ligito sipina huto tito yaha'a ha'i fito ni'inogomo namamagi samapa'agu noha'ani negibe. Hu'mamofihi kapo'a ana nose'na legi huto hofa notabe.

Maki 9:23

Ya ligo, Yesu ma lu emi'ehina: Kai henabe luto keheli bati nohapiye luto noloka hane? Nanitoga keheli ule'ale huto komopa'a nimilina bouba asaga'na bati huto li huto hilina'mu yabe.

Luku 1:37

Ana'ina mone Hu'mau fetaga huto lolo hilina'a huto meni'inagihe.

Luku 17:6

Yesu ka'anilo ma luto lu epi'ehina: Lenali yafa legeya lagaso'asi mone'mofihi suhi luto kaga kehelise'natini ni'inogomo ya'mana nemuya yafa'a ma lite lu etalo: Kai ma yafamaka hapa'aka hiti i gonomi huloto buto hege nagamilugu kaika hekololoto tibo, lite linogo ana yafauba lenabaga liyafa huto kagatini kehelilina'mu yabe, luto Yesu lu epi'ehina yabe.

Luku 18:27

Yesu ka'anilo nona'a lu'ehina: Ana'ina bona'magi lolo mehilana Hu'mau ai le'mo huto hilina'mu yabe.

Yoni 11:40

Ya ligo Yesu lu emi'ehina: Hena'mube? Yata'a lu kimi'ohunamofihi mekeheli'ahatafihe? Kai nanitoga keheli ule'ale hinogomo Hu'mamofihi amuya'a hiti fana tose'na'a hiti bu galane luto lu kimi'ohunagihe.

1 Koliti 12:9

To bo moneuba ai ana Sikalafu'moubago le'mo babahi higo Hu'ma kumu keheli ule'ale hinalo amuya nasana huto hulata nohibe. Moneuba ana Sikalafu'uba le'mo babahi higo epesi'ehilina bona'i enele'mo ye kolata nohibe.

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

Hibulu 3:19

Ya luto lu'ehina'mu ma luto keheli'ohune. Enali Hu'mamofihi ka'alo keheli he'mite aitoga agoya hu meemi'ahana enali kumu yabe luto minoba minoba huse hepatoga bu meneheti'ahanamo ni'ibe.