Matiu 17:12 - Ka Lamana'a Monoꞌi Lu Mu Tifiꞌehina Ka Yabe

¹² Ya hu'ehina nani ma'naka luto lu nolepube. Elaiyau ai ao'ehibe. Ya hu'ehinamo bona'magi Elaiyau nohibe lite menekehelibe. Ya hite enali enemehuba hinanamofihi mege'i melete nehite fato fato suhi hi ete'ahana yabe. Kokulumaguti limi'ehina Bomofihi ana suhi hi etete gabu'i gilinana hi etalana'mu yabe.

Matiu 17:12 ပူးပေါင်းရင်းမြစ်များ

Matiu 11:2

To Yoniu ai nagami folo epolose bo naga'i emi'ahago nohuto asaga lili'na Yesu nolinamofihi ka'a keheliloto koko pana'a enoho lifigo Yesutoga e'ahana.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Matiu 17:11

Ya lago Yesu lu epi'ehina: O'yo, ma'naka nelabe. Elaiyau asaga'na oto li loloba hilube'mu yata'a kohe toto o'ehina yabe.

Matiu 17:13

Yesu ya luto lu epigo enali koko pana'amagi enekesa i hokolo higo Yoniu nagami folo epolose bomo'mu linagi lite keheli bebe se'ahana yabe.

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 21:32

Hena'mube? Yoniu lenalitoga oloto ai mino bati huto minosemofihi hapa hapa'a lenelepi'ehina lenali ai kaga'a keheli meemi'ahabe. Ya hago enali takisi efahi lise bo hiti to mokolo ana'i hiti enali Yonihi kaga'a aliyafa hi'ahabe. Lenali ya'manana huto hina abu ge'ahanaya lenali alihi komopatini i gelehe hite li latahatinigu memele'ahabe, luto Yesu lu epi'ehina yabe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Luku 7:33

To Yoni o'ehina nose'na nola to bai nagami'i nola mehu'ehina yabe. Ya nohigo lenali ma lite lu ete'ahana yabe: Foipa fele ai komopa'agu ni'ibe lite li'ahana yabe.

Yoni 1:11

Ai'a me'alo o'ehinagi aku'i ai'a bona'amagi bu go bati hite be tigite agoya hu meemi'ahana yabe.

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Aposolo 4:10

Ya hiletemo lenali asaga'i hiti to Isilaeli naga'i hiti ya'manana keheli bebe salo. Yesu Kilisitou Nasalete Bo ai gi'alo ma bomofihi gufa'a amuya moloto bati hu'ehibe. Ya higo ai folagahatinigu yatai lenubulo ho ti'ehibe. Lenali Yesuhi malipu yafalo hago fili'ehinamoya Hu'mau aku'i kene keliguti le'mo ho ti'ehibe.

Aposolo 7:52

Koyapa'i kaga lu yege hose bo minana mone kiyi'afihi le'mo sibina mehi'ahana ni'ibe? Lamana bo'a, Yesu yabe, alinamofihi kaga'a lu yege hete koyapa'i e'ahana bo enoho fili su he'ahabe. To yatai halune'mu hana bomagi enayanugu lenali malago ya'mana bo aho fili'ahabe.