Matiu 17:1 - Ka Lamana'a Monoꞌi Lu Mu Tifiꞌehina Ka Yabe

¹ To loebe loebe loebe yege bulago minelete Yesu Pita hiti Yemesi hiti to ai gona'a Yoni hiti enele'mo mege'i toloto yatama kosagu enele'moto tilago ana kosalo enali'anisigo mine'ahana yabe.

Matiu 17:1 ပူးပေါင်းရင်းမြစ်များ

Matiu 17:2

To Yesuhi gufa'a enali enubulo le'mo fato suhi hu eto'ehina yabe. To okaba'a fi besa loloto yege legi huto huto hu'ehina. To gukete'a koholina huloto gulu gulu luto fi besa lo'ehina.

Matiu 26:37

Ya luloto Pitahi yagi to Sepetihi pana'a loe hiti enele'mo mege toto moneka bi'ahana. Ya hite nebago Yesuhi gufa'agu sipi keta besigo ligo pisigigo huloto ginaga gofa fi'ehina.

Maki 13:3

To alihi, pana'alobo hiti ana hepatogati he'mite bite mone kosalo, gi'a Oliba, ana kosalo tilete to miya ya'ma sipi mono nohi bu gete nehago Pitagi Yemesigi Yonigi Atulugi suguna hite ma lite loka he'ahana: Ya'ma sipi efaha nohi i tobo silina kana huto hilina'a lali hiya'a huto kehelilune?

Maki 5:37

To ya luloto Pitagi Yemesigi to Yemesihi gona'a Yonigi enaligo enele'moto buto mono nohi kaba bomofihi noha'aga neheti'ahabe.

Luku 8:51

Yesu ana bomofihi noha'alo henetiloto asaga bona'i fegutoga nehago Pitagi Yonigi to Yemesigi enali hiti enele'mago hiti to ana pa'mofihi ito'afugo afo'afugo hiti ti'ahana.

2 Koliti 13:1

Ya'ma lenalitoga aku'i binogo kana'a loebe monebe hilina'mu yabe. Mono bukugu kaga ma luto ni'ina: Ka foya lilana kanagu bo moneuba foipana hulenogo bo loebefi loebe monebefi bu gelete lu huto hilenogo lama'naka litemo ni'ibe. Lenalitoga bu nehetilenogo ana kaga'a keheliloto ka'a lilube'mu hube.

2 Pita 1:16

Nani Sipi Boti Yesu Kilisitohi nehetilina'a amuya'a hiti yamofihi ka'a lu lepilugi ya'ma kilihe kaga li pili meko'ohunagi to ana huto kilihe ka mone lolo mehu'ohuna yabe. Minose'nalo minoto kokuluma fana meha'a huto higo nani'ni nubu legeya'atu bu go'ohube.