Matiu 16:23 - Ka Lamana'a Monoꞌi Lu Mu Tifiꞌehina Ka Yabe

²³ To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Matiu 16:23 ပူးပေါင်းရင်းမြစ်များ

Matiu 16:22

Ya ligo Pitau le'mo beletoga moloto amuya ka emekiloto ma luto lu emi'ehina: Sipi Bo, enali ya mehi ketalana'mu yabe. Ya'mana suhi kaitoga huto mehilina'mu yabe.

Matiu 18:7

To ma melugu bomagi bona'i luga'a foipanagu enelepite bilata nehana boya sipi keta epesilina'mu yabe. Ma'naka luto ya'manana huto hilina'mu yabe. To anana li huto hilina boya sipi keta besilina'mu yabe.

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Maki 8:33

To ya noligo, Yesu i behe huto pana'alobo asaga'i bu enogoto ma luto Pitahi ka emeki'ehina: Satao, nemegesalo minobo. Kai Hu'mamofitoga keheli emito menominane. Kai melugu bona'magihi kehelise'na'ani lito nominane.

Luku 4:8

To Yesu ana kalo ma luto ka emeki'ehina: Mono kalugu ma huto ni'ibe. Kai Sipi Bo Hu'mamofihi gi'a liyafa hubo. To aigo ka kehelise emibo.

Yoni 6:70

Ya luto lina ka'alo Yesu nona'a lu epi'ehina: Nani 12 koko panana'i lenele'mo'ohunamo ni'ifihe? Lenali folagahatiniguti mone kene'i foipa fele nohibe.

Romu 14:13

Yana'mu lenali bonatinimagihi kaga'ani loko hise enifisa ilatana li he'milo. To lenali bonatinimu'i lenegekesa kehelite enele'mo sibina mehilune lite, to foipa kapogu enele'moto bu laligi lolo huse'natinimofihi kaba hu bati hilo.

Romu 14:21

Lenali fato fato nose'namo yagafi, bai nagami'ifi asaga'na nalanamofihi bonatini bu goloto komopa'agu li sibina hinogomo lenali ya'ma nose'na he'mite menalo.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

Kolose 3:2

To lenali ma melugu ni'ina nasana'mu lenegekesa meyigise kokuluma kapogu ni'ina nasana'muko lenegekesa malalo.