Matiu 16:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya ligo Simoni Pitau ka'alo nona'a lu'ehina: Kai Hu'ma nominanamofihi pana'a le'mo ho ti'ehina bo Mesia nohane.

Matiu 16:16 ပူးပေါင်းရင်းမြစ်များ

Matiu 1:16

To Yakopu ai Yosefehi afo'afu yabe. To Yosefe Maliahi baha'a yabe. Ya'ma Malia ai Yesuhi ito'afu yabe. To Yesuhi gi'a mone Kilisito yabe. Ana gi'amofihi hapa'a Hu'mau le'mo ho ti'ehina bo nelanamo ni'ibe.

Matiu 14:33

To bona'i enali botigu minanamagi Yesuhi fokehi helete ma lite li'ahana: Ma'naka luto kai Hu'mamofihi Pana'a nohane.

Matiu 16:15

Ya lago Yesu lu epi'ehina: To lenalitini nani kumu'i kiyi'afube lite nigi'ni nehabe?

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Maki 14:61

Ya higo, sipi olopa mono bouba, mone hiti loka hoto ma lu'ehibe: Kai hetofa bo Hu'mamofihi pana'a, Mesia bo nohapiye?

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 11:27

Ya ligo Matau lu emi'ehina: O'yo. Sipi Bo, Hu'mamofihi pana'a le'mo ho ti'ehina bo nohane. To kokulumaluguti koho lifigo melugu limi'ahata ya'ma akeheli amuya molo'ohube.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yoni 6:57

Mino kosaba huse Afo'nifu noho lifi'ehina'mu nani ai kehelito minoba minoba nohube. Ya'mana suhi huto nani'i nalina bouba nani keheli minomo tubuto minalina'mu yabe.

Yoni 6:68

Ya luto enoloka hago Simoni Pitau ka'alo nona'a lu'ehina: Sipi Bo, lali kiyi'afitoga biluta'mu nolane? Minoba minoba huse'na episemofihi kaga'a kaitogago ni'ibe.

Yoni 6:69

To kai Hu'mamofihi lamana pana'a monekomo nohane luto komopati kaito kimito keheli ule'ale ahu keto'ohune.

Aposolo 14:15

Lenali ma bona'i henabe lite ya'ma suhi li huto hilune'mu nehabe? Lenali hana suhi huto bona'mo nohu'ibe. Le'ali fa'mene bo nohu'ibe. Le'ali ka lamana'a lenalitoga lu yege halu'ibe'mu o'ohu'ibe. Ya'ma kaga lamana'auba komopatini i gelehe hinogo foipa faipa hapatini he'milete minoba minoba bo Hu'mamofitogago komopatini emilo. Ya'ma bo Hu'mau ai kokuluma hiti me'i hiti hege nagami'i hiti to asaga'na nose menose'mofihi anagu ni'inamofihi lolo hu'ehina.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Aposolo 8:37

Ya luto ligo Filipiu lu emi'ehina: Ka lamana'amofihi komopakagu li malalata nagami'i falalata'mu habe. Luto ligo nani komopa'nigu li molo'ohube. Yesu Mesiau Hu'mamofihi Pana'a lamana'a nohibe luto komopa'nigu keheli mana hu'ohube luto ana bouba lu'ehina.

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

2 Koliti 1:19

Hu'mamofihi pana'a Yesu Kilisito ai hapa'a ya'ma nani hiti to Silasi to Timoti lali lu lepi'ohuta bo ai ya'ma kaga lu'ehina luga'a o'yo luto nohigo luga'a futu'a lolo huto o'e luto faga lilata menohibe. Asaga'i ya'ma lama'naka'a lu'ehinaloti legeya'ago ho baga ilata nohibe.

2 Koliti 3:3

Lali lenalitoga foya lilago lenali Kilisitohi fayahi koyolatana'a lolo hilago ya suhi huto hapa'a huto huto ni'ibe. To fayahi koyolata nasana ya'ma nagamitu mekoyo'ehibe. Amuya moloto minoba minoba bo Hu'mamofihi Sikalafu'uba fayahi koyo'ehina ya'ma fa'mene lapelegusa efato meni'ibe. Komopatiniguya fayahi koyo malago ni'ibe.

2 Koliti 6:16

To Hu'mau hiti lugefa nasana hiti moneko nonugu minala'ifiye? Ya huto meni'ibe. Nekehelifihe? Hu'ma amuya moloto minoba minoba bomofihi noha'a lali ya'ma nohune. Ya hu'ehina'mu Hu'mau ma luto lu'ehinamo ni'ibe: Nani bona'nimagihi komopa'anigu minoto lito minoloto'ni enali folagaha'anigu humofa'na hilube. To nani enali sipi bo'ani lolo huto minalube. To enali nani yagapana'ni lolo hite minalabe.

1 Tesalonika 1:9

Ana bona'magi asaga'i lenalitoga buto nohutogo lele'mo lamana hi'ahana kaga'a lelite ete limilata nehabe. To ana hite, lenali ya'ma bona'mofihi meha'a nasana lolo hite mine'ahana lenemegesa hi neemite Hu'mamofihi amuya bo'a lamana'a lolo hite aitoga i ke'mete agoya hu emi'ahana ka lalitoga beto nehana yabe. Ai Hu'mau minoba minoba hulata bologa lenemehi emilata nehana keheli'ohune.

1 Timoti 4:10

Ya hu'ehina'mu Hu'ma amuya bo ai kumu fifa ilata nohuta'mu yabe luto eniginaga fise foya lugupisalo tilago foya keta'a hiti lilata nohune. Hu'mau ai'a asaga noto noto bona'i enubuto bilata bo nohinaya enalitogati keheli amuya nomoloto'a lamana ka lubuto bilata nohibe.

Hibulu 10:31

Yalo'i kana'a sipi yupahi minoba minoba huse bo Hu'mamofihi yanugu fololata nohuta ya'ma koli'a hiti nasana felana ni'ibe.

Hibulu 12:22

Lenali kosa ya legi huto ni'igopa, lenali Yiona kosagu bite mehi mino lito minolata bo, Hu'mau ai nohi hepa'aga kokulumalugu Yelusale hepa tegi huto ni'ina hepato ime ime neheti'ahabe. Ya nehite agelo leka sete leka so su mehose suhi hite samahi tite nehana,

Hibulu 3:12

Nalalu'nimagita, lenalitogati mono komopatini go'nupa ginogo minete mono ka keheli he'mite minoba minoba huse bo, Hu'mamofihi lenemegesa hi emi lalagi kaba hite minalo.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

1 Yoni 5:5

To me'mofihi gupisa'alo ni'ina nasana i lapasa inogo limilina bona'i kiyi'agi kiyi'agi nehabe? Enali Yesu kumu ya'ma Hu'mamofihi pana'a nohibe lite lilete keheli ule'ale hite kehelilana enalisigo yamofihi lolo hilune'mu nehabe.

Huto Hilina Ka 7:2

Ya hilago yege notinagati agelo mone notigo bu go'ohuna. Ai amuya moloto minoba minoba Hu'mamofihi omiha'a lito mino'ehina. Ai ya'ma agelo loeyagi loeyagi ya'ma metoga to hege nagamilugu bauna fi lalabe luto yamofihi amuya'a epi'ehina'a kehe sipi ito ma luto lu epito lu'ehina: