Matiu 16:1 - Ka Lamana'a Monoꞌi Lu Mu Tifiꞌehina Ka Yabe

¹ Felosi bona'i to Satusi bona'i yabe nelana hiti luga'a enali Yesutoga elete fi taga hu etalune'mu hi'ahana. Enali: Kokulumalugu topa hose'na mone li huto hitogo bu galune li'ahana.

Matiu 16:1 ပူးပေါင်းရင်းမြစ်များ

Matiu 12:14

Ya higo enali Felosi bona'i heleko limite bite li nupa hilete Yesuhi halune lite kaga lu keheli fa keheli hi'ahana yabe.

Matiu 15:1

To Felosi bona'i luga'a hiti keya kamu'i tisa bona'i luga'a hiti Yelusale hepatogati ete Yesu nohinalo nehetilete ma lite loka he'ahana:

Matiu 16:6

To Yesu ma luto lu epi'ehina: Lenali kaba hu bati hilo. Lenali Felosi bona'i hiti to Satusi bona'i hiti enali yisiti legita hapa'anilo kaba hu bati hilo.

Matiu 19:3

To Felosi bona'i mone'amagi ai nohinalo ete fi taga nehite loka he'ahana: Lali keya kaguti henana ni'igo bo moneuba liha'amofihi fa'mene le'mo he'milenogo bati huto ni'ifiye?

Matiu 22:15

Enali Felosi bona'magi Yesuhi fi taga huto kaga loka mika halune lite enali lu keheli'ahana.

Matiu 22:18

Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 22:23

Ana yupahisigo Satusi bona'i Yesutoga e'ahana. Enali ya'mana bomagi filise bona'i aku'i ho metilabe lite lilata nehana yabe. Ya nehana bomagi Yesutoga elete ma lite loka he'ahana:

Matiu 23:2

Kaga keheli bati huse bo hiti to Felosi bo hiti enali Mosehi keya kamofihi hapa'a lu hokolo hise minelata nehabe.

Matiu 27:62

To Yuta bona'magihi fuli kana ana'ina li tulu huse kana'ani yago'a yabe luto nina asu holago enali sipi mono bona'i hiti to Felosi bona'i hiti Pailati nohinaga li nupa hi'ahana.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Matiu 9:11

Ya nehago Felosi bona'magi be gelete Yesuhi koko panana'a ma lite enoloka he'ahana: Henabe luto tisa botiniuba ai takisi nelina bo hiti to foipa bo hiti nose'na nonabe?

Maki 10:2

To Felosi bona'magi ai'i fi taga hi etalune'mu nehite ete ma lite loka he'ahana: Ma bose. Bo moneuba liha'a le'mo he'milina'a ya'ma bati hu'ehifi bati mehu'ehibe. Kai lu limibo.

Maki 12:15

Ya nelago, Yesu enali ai'i fi taga hilune'mu enipa nehago kehelito'a ma luto lu epi'ehina: Lenali henabe lite nimi'i nemalabe? Efahi legeya'a mone ite ete nimitogo bu galube.

Maki 12:18

To yalo Satusi bomagi, enali bona'i fili su helete alihi aku'i ho metilabe lite nelana bomagi, enali aitoga ete ma lite loka he'ahana:

Luku 10:25

Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 11:16

To luga'a bona'magi Yesuhi mi'i malalune'mu ma lite lu emi'ahana: Kai kokulumalugu Hu'mamofihi babeyafa'a hu lepibo lite li'ahana.

Luku 20:23

Ya hana Yesu faga faga nelana ka'animofihi hapa'a akeheliloto ma luto lu epi'ehina:

Luku 20:27

Mono bona'i luga'a enali filise'naguti bona'i aku'i ho metilana'mu yabe lite lilata nehana enigi'ani Satusi bona'i enali Yesutoga e'ahana. Enali Yesuhi loka he'ahana:

Yoni 8:6

Enali fisa ilune'mu ya'ma kaga mi'i melete loka he'ahana. Ya hana ai Yesu melugu lipi tipi huto yahi kosa'atu mumusopagu fayahi goto mino'ehina yabe.

Aposolo 4:1

Pitaugo Yoniugo etali sipi mono nonugu boana'i kaga lu epite neha'igo sipi mono noto kaba bo hiti to kimi bomagihi kaba bo'ani hiti to Satusi bona'i enali analo e'ahana.

Aposolo 5:17

To ya higo mono sipi kaba bo hiti to asaga bona'a hiti moneka mine'ahana to enali Satusi naga'magi hiti enali asaga'i enipakafa sipi he'ahana. Enali enegekesa kehelilete naga epilune lite lu keheli'ahana.

1 Koliti 1:22

Yuta naga'magi enali ya'ma ka kehelilune lite topa hose nasana hulenogo bu galune lite amuya nehabe. Giliki bona'i ana hite enali ananamofihi hapa'a kehelilune'mu nelite sa sa nehite kupomo'i fite minelata nehabe. Ya nehanaya lali ya'ma Kilisitohi malipu yafalo he'ahanamofihi kaga lunogo Yuta bona'magi enali keheligo keta hulata nohibe. To Giliki bona'i enali kehelite negi ka yabe lite lilata nehabe.