Matiu 15:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya luloto ai ito'afinogo afo'afinogo etele'mo bati mehulata nohibe. Lenali ya'mana suhi li huto nehitemo Hu'mamofihi keya ka'a li gofa nehete lenali hapatinimofinogo li saga hilata nehabe.

Matiu 15:6 ပူးပေါင်းရင်းမြစ်များ

Matiu 15:5

Ya hu'ehina lenali ma lite lilata nehabe: To bo moneuba ito'afinogo afo'afinogo etehe'malina efahi ni'inamo meetimilube, to nani Hu'mamofihi emilube lu'ohuna yabe lulata nohibe.

Matiu 15:7

Lenali fagalo bona'i. Koyapa'i lu huto huto bo mone Aisaiyau lenali kumu luto fayahi ma luto go'ehibe:

Maki 7:13

Lenali hapatinimu'i kaga litetini Hu'mamofihi ka'a nehe'mite soya ka lu epilata nehana ni'ibe. To luna lana fato fato'na ana suhi hite nehana yabe. Yesu ya luto ka epeki'ehina yabe.

Romu 3:31

Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

1 Timoti 5:16

To keheli amuya moloto nohilina a'i mone'mofihi kogunaguti keto a'i mone nehilanamagihi ai enehe'moto komopa'a epito kaba hu epoloto minalibe. Ya nohinogo Hu'mamofihi naga'amagihi enugupisalo metilibe. Hu'mamofihi naga'amagi enali keto ana'i enali'anigo nehana'a yamagihi enehe'mete fi hele hi epalalabe.

1 Timoti 5:8

Luga'amagi enali bona'ani kaba lamana'a hi epelete enemehi meepilana yamofihi ka lamana'amofihi kapoguti ali he'mite to mono ka ya'ma mekehelise bona'i melugu bona'i enalitogati mine tegi hite ana foipana'aniuba enebe ligi'ehilina'mu minalabe. Ya higo keto a'mofihi bona'amagi kaba hu etalana'mu yabe.