Matiu 15:32 - Ka Lamana'a Monoꞌi Lu Mu Tifiꞌehina Ka Yabe

³² Yesu koko panana'a kehe i nupa huloto ma luto lu epi'ehina: Ma bona kumu'i nani niginaga nofibe. Hena'mugope enali loegi monegi yupahi nani hiti mine'ahana yatai nose'na nalana'a meni'ibe. Nani nose'na meepise enoho lifinogo'ni bilana enali kapoga nebinogo enubu neta neta bilenogo ho kete kela ya hila hilabe'mu nolube.

Matiu 15:32 ပူးပေါင်းရင်းမြစ်များ

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 14:13

Yesu ana kaga keheliloto ana hepa'i nohe'mito boti lito bona'i menehana hepalugu bu'ehina yabe. Ai'asi bu'ehina yabe. Ya hu'ehigo enali boana'magi kehelilete hepa'ani nehe'mite mege'i lifite bi'ahana yabe.

Matiu 15:33

Koko pana'amagi Yesuhi loka he'ahana: Ya'ma ka me hepatoti lali babu nose'na hiya'agati liloto ya'ma babu boana'i epilune?

Matiu 20:34

Ya la'igo Yesu keke'i sipi lu etotoloto yaha'a ana bomale'i etubulo meko nohigo ana'asilo mele'isi etubu'atiti i gili higo asaga'na bu gelete Yesuhi mege'i melete bi'aha'ina yabe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Matiu 9:36

Babu boana'i Yesuhi le'mo bego hite minago bu enogoloto Yesu eniginaga fi epi'ehina yabe. Hena'mugope enali enekesa yigi babu lilete bo moneuba meenehe'mago sipisipi yaga kaba bo'ani meminago tili tele hite minelata nehana suhi lite minana'mu luto yabe.

Maki 9:22

Ya huto minoba minoba nohigo ana feleuba pana'nimofihi halube'mu fato fato yupahi logogu le'mo laki hu'ehina yabe. To fato fato yupahi nagami hefunugu le'mo nofu tu'ehina. To kaiya le'ehe'malatamo keheli bati nohapiye? To kai keheli bati hulotoka keke'i nolu le'etotoka le'ehe'mobo.

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Aposolo 27:33

Go'i alilube'mu go kulu kulu notigo nose'na mo site minana bona'i nose'na luga'a nalo luto Polu ma luto enogo'na bi'ehina: Lenali 14 yegegu habafahi su halifi lite geba geba hite minete ana kana'agu nose'na mo site menose mine'ahabe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.