Matiu 15:31 - Ka Lamana'a Monoꞌi Lu Mu Tifiꞌehina Ka Yabe

³¹ Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.

Matiu 15:31 ပူးပေါင်းရင်းမြစ်များ

Matiu 15:30

Ya nohigo babu boana'i enali li nupa hite ai nohinalo e'ahana. To enigigusa sibina hina bona'i, enubu pisi lu'ehina bona'i, felisa'ani kuyugu hu'ehina bona'i, enabaga hekini lo'ehina bona'i to fato fato epesi'ehina bona'i enali babu lite Yesutoga enele'mete e'ahana yabe. Enali enele'mete ete Yesuhi gigusa'agu malago ai asaga'i enele'mo bati hu su ho'ehina yabe.

Matiu 18:8

To kigi kayahakauba foipana li huto nohinogomo kai laga huto he'milago bubo. To kayahi mone kegi'a hiti kigigusa mone kegi'a hitigo minolenogo bati huto minoba minoba hepato bilata'mu yabe. To kigi kayahi luga luga hiti ni'inogo nohuto logo loba loba huto mesobose hepatoga bilata bati mehu'ehibe.

Matiu 21:14

Ya luloto Yesu mono nonuga nohigo enubu pisi lu'ehina bona'i luga'a hiti to enalapusa sibina hu'ehina bona'i luga'a hiti enali Yesutoga ago enele'mo bati hu'ehina yabe.

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Matiu 9:32

Ana bole neba'igo bona'i luga'amagi negi bo mone foipa feleuba gufagu tigo kaga meluse nominana bo Yesutoga le'mete e'ahana yabe.

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Maki 2:12

To ya ligo ana bouba ana'asi ho tito nebelusa'a kofito bufa hu'ehigo, enali asaga'i yege fite topa hete Hu'mamofi kumu fokehi lite ma li'ahana: Akae. Lali koyapa bu mego'ohuta suhi yatai li huto hibe.

Maki 7:37

To asaga bona'magi lusi topa nehete enegelo bite ma li'ahabe: Bogiyo. Ya'ma Yesu ai asaga'na keheli bati nohina yabe. Ai ekesa hekini lo'ehina bomofihi le'mo bati higo, kaga nokehelibe. To kaga meluse mino'ehina bomofihi le'mo bati higo, kaga lu bati huto nolibe. Enali ya lite yege fi'ahana yabe.

Maki 9:43

To ya huto ni'igo, kayapotu foipana huse bo nohapi, ana kayapo laga hu he'mibo. Kayahi luga luga hiti ni'igo logo loba loba huto mesobose hepatoga bilata bati mehu'ehibe. To kayahi mone kegi'a meni'inogo Hu'mamofihi kapogu tito minoba minoba hilata ya bati huto ni'ibe.

Luku 14:13

To kai nose'na goto nalube'mu nohanemo musufalo bona'ifi gi yahi fili'ehina bona'ifi enigigusa sibina hu'ehina bona'ifi to enubu pisi lu'ehina bona'i ya'ma kehe ito nose'na efahi goloto epito nalo lu epilane.

Luku 14:21

Ya lite lago, kele kele pana'mo i behe huto buto afo'afihi ya'ma kaga'ani asaga'na lu emigo, ai ipaluga logo bigo lu'ehina: Kai me'me huto buto hepatoga buto lagaso hepa'mo hiti sipi hepa'mo hiti sa sa hutoka fato bona'mo enelemoto obo. Kene'i nehana bona'i hiti enayahi sibina hu'ehina bona'i hiti enubu pisi lu'ehina bona'i hiti to enigigusa sibina hu'ehina bona'i hiti sa sa huto enele'moto obo, luto lu emi'ehina.

Luku 18:43

Yesu ya luto noligo ana'asi ka'a mege'i moloto ana bomofihi bu'a i gili mele'isi hu'ehina yabe. Ya hulago ana bouba Yesuhi mege'i moloto nobuto Hu'mamofihi gelo bi emi'ehina yabe. To babu bona'magi anana huto hina bu gelete Hu'mamofihi ana hite fokehi hete gi'a li saga hi'ahana yabe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Yoni 9:24

To Yuta bona'magi ketona kanagu bu pisi lu'ehina bomofihi aku'i kehe ite ago lu emi'ahana: Ya'ma hetofa huto hu keto'ehina'mu Hu'mamofihi ai'ago foke ka lu emibo. Ya'mana Yesu foipana lilata bo nohina keheliya i'ohune.