Matiu 15:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Lenali keheli bati menehafihe? Ana'ina'a bomofihi bagagu tilata nohinana gupa'agu tito minoloto aku'i gufa'aguti heleko limilata nohibe.

Matiu 15:17 ပူးပေါင်းရင်းမြစ်များ

Luku 6:45

To hetofa bo mone'mofihi ka kehelise'na'a babu lito ipagu hetofana minolata nohibe. Ya hu'ehigo hetofa sunogo li huto hulata nohibe. To bo sibina'amofihi ka bati mehina'a babu lito ipaguti huto hulata nohibe. Ya nohigo bati mehina suhi li huto hulata nohibe. To yaka'mana kaga enipagu bai toto nominana enabagaguti tito bulata nohibe.

1 Koliti 6:13

Lenali ya'ma nose'na lipagu nasana ni'ibe to gupatigu ya'ma nose'na'mu ni'ibe lite lilata nehabe. Ma'naka nelanaya minoto Hu'mau ai ana hiti ana hiti he'minogo fa'menena lolo hilube'mu higo su halina'mu yabe. Lugufauba ya'ma moko'mu yabe luto meni'ibe. Sipi Bomofihi nasana ni'ibe. To Sipi Bouba ai'a lugufamofihi afo'afu nohibe. O'yo, lali aku alihi Hu'mamofihi bulo ho tito minonogo ai lugufa'mu ka foya li letalina'mu. To lali lugufatu Sipi Bomofihi gi'a li hofa talune.

Yemesi 3:6

Ana huto kenetufati ya'ma logo legi huto ni'ibe, lugufamofihi nasanaguti ya'ma metoga nasana foipana asaga'naloga nogosuhi ni'ibe. Kenetufatiuba lugufa komopati li sibina hu su holatanamo ni'ibe. Logo lo tunufa'uba i kulu tito yafa legeya'a kifi lo su ho'ehinamo ni'ina, ya suhi huto logo hepaluguti metoga bona'i asaga'naloga kenetufati li gelehe galaha hago kagati lu sibina huto analoti luto moloto nohuta nasana ya'ma sibina holito nobibe.

Matiu 15:16

Ya ligo Yesu lu epi'ehina: Lenali hiti kaga keheli fe melilana'a hite nehafihe?

Matiu 15:18

Ya hu'ehina ana'ina bomofihi baga'agu ni'inati fegutoga heleko limilata nohinaya komopa'aguti huto huloto tilata nohibe. Ai ya'mananauba bomofihi komopa'a li kolo tolata nohibe.

Maki 7:19

Ai anana nolenogomo kupa'agu limito yalo ipa'agu limiloto bu su nohabe. Hiya'a huto meha'a le'mo sibina hilibe? Ya mehilibe. To Yesu ya ligo lali asaga nose'na bati huto naluta'mu yabe.