Matiu 15:11 - Ka Lamana'a Monoꞌi Lu Mu Tifiꞌehina Ka Yabe

¹¹ To bomofihi komopa'agu tilata nohinanauba ana bo le'mo kolo tolata menohibe. To bomofihi ai komopa'aguti fegutoga heleko limilata nohinanauba bo le'mo kolo tolata nohibe.

Matiu 15:11 ပူးပေါင်းရင်းမြစ်များ

Matiu 15:10

To asaga boana'i Yesu kehe i nupa huloto ma luto lu epi'ehina: Kaga mone lu lepilunagi lenali lenekesatu'i kehelilete keheli fiya ilo.

Matiu 15:12

Ya'mana kana'alo Yesuhi koko pana'a aitoga ete ma lite lu emi'ahana: Felosi bona'magi kagaka kehelilete kipakafa nehabe. Ya nehana kai ya'manana akeheli'ahapihe?

Maki 7:15

Ana'ina asaga'i bomofihi komopa'agu limilina'a meha'a le'mo sibina mehilibe. Aku'i ai'a komopa'aguti tilina'a ya'ma meha'a le'mo sibina hilina'mu yabe.

Romu 14:14

To nani Sipi Boti, Yesu aitoga hepi'ohugo nipa'nigu ya'ma keheliya i'ohuna ma ni'ibe. Asaga nose'na ai'a keya'i hu'ehina'a meni'ina'mu asaga'i gulu gulu hu'ehina'a nalutagi mo sise'na meni'inaya. Aku bo moneuba ekesa kehelito mone nose'na keya'i hu'ehina'mu yabe luto ai'a komopa'agu kehelito gulu gulu mehu'ehina nose'na huto hinogo menalibe.

Romu 14:17

Hu'mamofihi kapogu minaluta hapa'a ma ni'ifihe? Nose'na hiti nagami'i hiti nalutanamofihi nasanabe? O'e, ya huto meni'ibe. Hu'mamofihi Sikalafu'uba komopatigu lamana huse'na hiti to mino fulu huse'na hiti to legelo bise'na ya'ma lolo nohina ya'ma Hu'mamofihi kapo ni'ibe.

Romu 14:20

Lenali nose'na nalanana'mu Hu'mau bona'i enele'mo'ehinamagihi li sibina mehi epalalo. Asaga nose'na lali bati huto nolata nohuta, aku lenali mone nose'na nalana'mu bona'uba keya'i hu'ehinana ni'ibe luto komopa'agu keta nohinogomo yana nose'na menete mo silo.

1 Timoti 4:3

Ana'i melise gofuta minalo lite lu epilata nehabe. To nose'na mone'a menese mo silo lite lu epilana'mu yabe. Ana faga faga nelana yabe. Hu'mamofi kumu kehelite amuya melete minalana bona'magi ai ka'a lamana'a keheliya ilana bona'magi enali nose'namofihi foke ka lite nalabe luto Hu'mau li huto hu'ehinamo ni'ibe.

Taitasi 1:15

Komopa'ani fana tago nehanamagi enali ana'ina'mu keheligo gulu gulu ligo neminabe. To luga'amagi ka lamana'a keheli meemi'ahana foipa nasana'mu enegekesa'anigu hiti komopa'anigu sifolohi gito kolota kolota hu'ehinamo yana'mu enali ana'ina'mu keheligo ana suhi huto sifolohi gito kolota kolota higo nehabe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.