Matiu 13:8 - Ka Lamana'a Monoꞌi Lu Mu Tifiꞌehina Ka Yabe

⁸ To luga'a nose'na legeya'a enali me'i foba huto nogoya hina melugu limo ilata nehabe. Ya hite tilete, enali legeya'a bati hite helata nehabe. Luga'amagi babu lite yafa ho figi gite legeya helata nehabe, luga'a nesi bati hite helata nehabe, to luga'amagi loefi monefi hite helata nehabe.

Matiu 13:8 ပူးပေါင်းရင်းမြစ်များ

Matiu 13:23

To nose'na legeya'a me'i bati huto giliba'a hiti me'i ninagu limo ilata nohinamoya ma huto ni'ibe. Bo moneuba mono ka keheliloto ekesa yigi bati hu'ehina supo huto ai nose'na'a samahi tito li huto hulata nohina'a ni'igo to bo moneuba babu lito li huto hulata nohina'a ni'igo to bo moneuba nesi'asi lito li huto hulata ni'ina yabe.

Matiu 13:7

To nose'na legeya'a luga'a ufehe naga yafamagihi folagaha'anigu limo iloto tilata nehabe. Ya nehana enali ufehe yafamagi yamu'i gite ifi telata nehabe.

Maki 4:20

To hetofa melugu limi'ehina'a ya'ma ma hise bona'i nehabe. Enali kagamo kehelite komopa'anigu li nemalabe. Ya nehago kagauba komopa'anigu tito legeya nohabe. Mone 30 hoto, mone 60 hoto, to mone 100 hoto nohabe. Ya'ma fono kamofihi hapa'a ya ni'ibe. Yesu ya luto lu epi'ehina yabe.

Maki 4:8

To mone kegi'a hetofa melugu limi'ehina'auba meluguti fifaya nolito tito legeya ho'ehina yabe. Mone 30 hoto mone 60 hoto to mone 100 hoto legeya ho'ehina yabe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Luku 8:8

To luga'a me'i nogoya hiti bati huto ninalo limo ina bati huto polo felana hofa toloto nose'na legeya'a babu luto legeya ho'ehina yabe. To Yesu molo emiloto ma luto lu epi'ehina: Kehelilo. Lenekesa ni'inogomo ya'ma ka keheliya ilo.

Yoni 15:8

Lenalitoga legeya'a babu luto helenogo lenali lama'naka nani bona'ni lolo hite minelenogo Afo'nifihi fana meha'a ya'ma sekele mamu'a hiti huto hilina'mu yege yege bona'magi be gelete kehelilabe.

Romu 7:18

To komopa'nigu to fegutoga nugufagu hiti hetofa hapa'a menominabe luto keheli fe nolube. To hetofana suhi hilunamofihi komopa'nigu ya ni'igo yana suhi hilube'mu nohube luto'ni amuya'ni bati mehu'ehigo hetofana mehulata nohube.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.