Matiu 13:52 - Ka Lamana'a Monoꞌi Lu Mu Tifiꞌehina Ka Yabe

⁵² Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 13:52 ပူးပေါင်းရင်းမြစ်များ

Matiu 12:35

To hetofa bomofihi komopa'agu kaga bati'a babu luto minolata nohibe. Ya hu'ehigo ai hetofa sunogo hulata nohibe. To foipa bona'magi komopa'anigu kaga foipa faipa'a bai toto ni'igo foipa faipa'i suhi babu lite li huto hilata nehabe.

Matiu 13:51

To Yesu enoloka ho'ehina: Lenali asaga kaga lu nolepunamofihi hapa'a akeheli hokolo hite nekehelifihe? Ya ligo enali lu emi'ahana: O'yo.

Matiu 13:53

Yesu asaga bame ka lu epi su holoto ana hepa'i he'miloto bufa hu'ehina.

Matiu 23:34

Ya hu'ehinagi lenali kehelilo. Nani kaga lu yege hose bo luga'a hiti, to lataha'anigu kaga bati huto ni'ilina bo hiti to mono ka keheli bati hi'ahana bona'i hiti lenalitoga enoho lifinogo'ni bilana'mu yabe. Enali folagaha'aniguti luga'a enoho fililabe, to luga'a malipu yafalo enahalabe, to luga'a mono nohatinigu nehinogo naga osatu'i enibi yigilana'mu yabe. To lenali mone hepatoti enele'mo he'minogo fato hepalugu netinogo enegene mane ite enele'mo fato hepato malalana'mu yabe.

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Luku 11:49

Ya hu'ehigo koyapa'i Hu'mamofitoga kaga kehelise'na'a bati huto ni'igo ai ma luto lu'ehina yabe: Nani lu huto huto bona'i hiti kaga lu yege hose bona'i hiti enalitoga enoho lifinogo nehetilenogo bona'magi enegene mane inogo luga koli nefelenogo luga'a enahalabe.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

Efeso 3:4

Lenali ya'ma leka sete nekehelite nani Hu'mau suguna huto Kilisito kumu lu'ehina suguna ka'amofihi hapa'a ya'ma komopa'nitu keheli fotogo huto kehelilatana to bu go'ohuna'a lenali kehelilabe luto ana fayahi koyoto lepi'ohunamo ni'ibe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Kolose 1:7

Lalalutifu gi'a Epafalasiu le'ali hiti Yesuhi lili'na hetofa huto nolina bo to Hu'mamofihi kagamo yata'a lu lepi'ehina bouba yatai lalitoga nehetito Hu'mamofihi Sikalafu'auba enele'mo fulu hu'ehigo enali koguna ite minete ai kaba hinogo ai kaba hinogo hilata hite neminana yabe luto lenali kumu ya lu le'emi'ehina.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

1 Timoti 3:6

Ana bouba babafi bo hilube luto yuhufasi komopa'a li gelehe huto Hu'mamofihi mege'i ma'asi nomalana bouba ai babafi lolo mehilibe. Hena'mube? Aiya Satau koyapa'i hu'ehina suhi luto gufa'a lelito tinogo Hu'mau ka foyagu le'mo moloto logo hepa'mofihi nasana lolo hu lalibe, luto yabe.

Taitasi 1:9

Ya huloto lu epi epi nohuta kagamofihi lali kehelutogo ule'ale nohina kaga ya'ma li pili koto liloto minalibe. Ya'ma bouba ai fato bona'i enele'mo hetofa hinogo mono ka legeya'a lamana'a ya'ma lu epito enegekesa lito enele'mo bati hilibe. To bona'i luga'amagi mono ka enemegesa hu epite nehinogomo ya'ma kaba bouba enali'i foipana'animofihi enelepito o'e luto ya mehilo luto enele'mo bati hilina'mu yabe.