Matiu 13:51 - Ka Lamana'a Monoꞌi Lu Mu Tifiꞌehina Ka Yabe

⁵¹ To Yesu enoloka ho'ehina: Lenali asaga kaga lu nolepunamofihi hapa'a akeheli hokolo hite nekehelifihe? Ya ligo enali lu emi'ahana: O'yo.

Matiu 13:51 ပူးပေါင်းရင်းမြစ်များ

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Matiu 13:19

Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Matiu 13:50

Ya hite sipi logo loba loba logogu enele'mo malalana'mu yabe. Ya hinogo ana sipi logogu sipi yibi bena nehite enabaga yogo'a henibe kolibe hilana'mu yabe.

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 15:17

Lenali keheli bati menehafihe? Ana'ina'a bomofihi bagagu tilata nohinana gupa'agu tito minoloto aku'i gufa'aguti heleko limilata nohibe.

Matiu 16:11

Beleti nose'namu melu'ohuna. Lenali hena hibe lite mekeheli'ahabe? Lenali Felosi bo hiti Satusi bomagihi yisiti suhi luto fagalo hapa'ani ni'inagi kaba hu bati hilo.

Matiu 24:15

To foipa bati mehina napauba hepa'i li sibina hulata nohina lenali bu galana'mu yabe. To koyapa'i kaga lu huto huto bo Tanieliu anana'mu alu'ehina yabe. Ya'manana ai hepa'i Hu'mamofihi molo emise hetofa hepa'i folagaha'alo ho tito ya'ma sibina huto hilinamo'mu kaga lu'ehina yabe. Bo moneuba ya'mana kaga leka soloto ai ekesa yigi fe lino.

Maki 4:34

To asaga bona'i nehago fono kagutiko anasi kaga lu epi'ehina, to alihi bi su helago ai'a pana'alobo'a enaligo nehago ai ya'ma kaga hapa'a asaga'na lu hokolo hu epolo'ehina yabe.

Maki 7:18

To ai ma lu epi'ehina: Lenali hiti ana hite lenegekesa meni'igo neminafiye? To mekeheli'ahafiye? Mafi. Bomofihi komopa'agu limilina'auba hiya huto meha'a le'mo sibina hilibe?

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.