Matiu 13:43 - Ka Lamana'a Monoꞌi Lu Mu Tifiꞌehina Ka Yabe

⁴³ Ya'mana yupahi Hu'mamofitoga komopa'ani melete minalana bona'i enalitoga yege legi huto Afo'anifihi hepa'aloti fi besa lo epalalina'mu yabe. To lenali bomagita lenekesa ni'inogomo keheli bati hite kehelilo.

Matiu 13:43 ပူးပေါင်းရင်းမြစ်များ

Matiu 11:15

Ai ekesa'a ni'ilina bouba keheli bati hino.

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Matiu 25:36

To nani nugufa yapako nohugo lenali nugufalo gukete li hekele nete'ahana yabe. Nani nebesigo koloto nohugo lenali fulu fulunatu ite ete soso hi nete'ahana yabe. Nani naga nonugu nohugo lenali ete bu negete nebe tigi'ahana yabe.

Matiu 26:29

Nani ma'naka luto lu nolepube. Nani mana bai nagami'i menose minomo buto buto'ni Afo'nifihi kokuluma kapo'alo lenali hiti yuhufa bai nagami'i naluta'mu yabe.

Maki 4:23

Lenegekesa nina bona'i ka kehelilo.

Luku 12:32

Lenali lagaso naga'nise, koli mehilo. Afotinifu ai'a kapo'a lepilunagihe luto kaga lu hetofa hu'ehina yabe.

Luku 22:29

To Afo'nifu ai Kapo'a nani'i nimi'ehina ana suhi huto Kapo'a nani lenali'i nolepube.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.