Matiu 13:30 - Ka Lamana'a Monoꞌi Lu Mu Tifiꞌehina Ka Yabe

³⁰ Kifi'na hiti nose'na hiti anagu he'minogo sibi sibi hite tilenogo alihi nose'na li nupa hiluta yupahi li gehe lilune. To nani ma luto lu lepiluna'mu yabe. Lili'nalo pana'ni, lenali foipa kifi'na li nupa hite sa gilo. Lali logogu galuta'mu yabe. To nose'na'aya li nupa hite noha'niluga malalo luto lu lepiluna'mu yabe.

Matiu 13:30 ပူးပေါင်းရင်းမြစ်များ

Matiu 13:25

Ya hu'ehina mone sininugu asaga boana'i enubu'i ke su he'ahago bo moneuba kifina legeya'a lito oto ana fateha'a bomofihi foya'a folagaha'agu tili huloto bu fa nohibe.

Matiu 13:29

Ya lite loka hago ai foya afo'afu lu'ehina: O'e. Lenali foipa kifi'na bite li su ti he'milanaga nose'na hite li su tilana'mu yagi mebilo.

Matiu 25:32

Ya hu'ehinogo'ni asaga melugu boana'i nani nubulo li gehesa hilana'mu yabe. Ya hinogo yaga kaba bouba sipisipi yaga hiti meme yaga hiti enele'mo guna iloto loegu enele'mo luga luga ilata nohina suhi huto nani ana huto ilube.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Matiu 3:12

To ai emuha'a yanuga li'ehibe. To kifi foyaguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To yana huto sibina'a li nupa huto mesobose loba logogu galina'mu yabe.

Luku 3:17

To ai emuha'a yanuga li'ehibe. To kifi foya'aguti lilina yabe. To ai nose'na yufagaha'a li nomalana nonugu li nupa huto li malalina'mu yabe. To ya nohuto sibina'a li nupa huto mesobose loba logogu galina'mu yabe.

Yoni 15:6

Luga'amagi enali nanitoga ete i mehepilana ya'ma i pigilata nohina ya suhi hite gulu gulu bilenogo laga hu he'milube'mu hibe. Haya'a ya'ma i pigilago logogu laga hite keyelata nehabe. Nanitoga ete i mehepina bona'i enalitoga ana suhi huto hilinamo ni'ibe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

1 Timoti 5:24

To enali'ani'mu kaga ma luto minomo buto nolube. Bona'i luga'amagihi foipana'ani huto hulatana ni'ibe. To enali foipana'aniuba kohe toto nobigo Hu'mau foipana'animu kehelito ita bise'namofihi nona'a epilina'mu yabe. To bona'i luga'amagihi foipana'ani fala kito ni'igo aliha kanagu huto hilube'mu hibe. Hu'mau enali hiti nona'a epilibe.