Matiu 13:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Matiu 13:19 ပူးပေါင်းရင်းမြစ်များ

Matiu 12:26

To Satau ai fato foipa felemofihi le'mo he'milina ai naga'a enali aloko nehabe. Ya hinogo Satahi hepa kapo'a hena huto amuya moloto minalina ni'ibe? Enali amuya melete enigi binogo meminalana'mu yabe.

Matiu 13:20

To nose'na legeya'a luga'a efahubago hinagu limo ilata nohibe, ya nohina suhiya bo moneuba kaga keheliloto ai mele'isi lito gelo bilata nohibe.

Matiu 13:38

To foyamoya asaga ma me'i yabe. To bati nose'naya kokuluma kapolo boana'i yabe. To foipa kifi'naya enali Satahi boana'a yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Matiu 5:37

Ya hu'ehinagi lenali o'yo lila, to o'e lila hite ana'asiya lilata hilo. To kaga analo lu yatama hite lilata nehana kagamoya foipa bo Satatogati olata nohibe.

Maki 4:15

To tili hu nohe'migo soto limi'ehina'a ya'ma ma hise bona'mo nehabe. Enali kaga kehelilago ana'asi Satau oto komopa'aniguti kagamo enebe nosilibe.

Luku 10:9

Lenali yana hepato enebesi'ehilina bona'i enele'mo ye kelete ma lite lu epilo: Hu'mamofihi Kapo'a hokolo hilina kana'a anasi lenalitoga a'o leba notabe lite lu epilo.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Yoni 18:38

Ya luto noligo ai loka ho'ehina: To ya'ma ka lamana'a henana ni'ibe? Pailatiu ya lu'ehina yabe. Analo Pailatiu Yuta bona'i fegutoga nehanalo buto lu epi'ehina: Meya boya foipana meli'ehinago mone fakupa ka melu eto'ohunagihe.

Yoni 8:43

Nani lenelepuna kaga lenali henabe lite keheli fe menelabe? Hena'mugope nani kaga'ni lenali mekehelilune'mu nehabe.

Aposolo 17:32

Filise bo kene keliguti aku'i ho ti'ehibe luto Polu lina kamu'i luga'a bona'magi kiya hi ete'ahana. To luga'amagi ma lite li'ahana: Mone yupahi ana kaga aku'i lu limitogo kehelilune.

Aposolo 18:15

To lenali kaga noloka hela ana'ina gi'a hela to lenali keya katini lu nimila nehagomo nani o'e luto nolube. Lenalitini ana kagatini lu sepa ilo. To nani ya'iya lite nelana kamofihi ka foya'a meliluna'mu yagi to kaga'a loko mehilube'mu nohunagihe, ya'ma gamani bo Galiou lu'ehina.

Aposolo 20:25

To ka mone hiti lu lepilugi keheli'ehilo. Lenali okaba'ni aku'i be megalabe. Nani lenalitoga bula ola nohuto ya'ma Hu'mamofihi Kapo'a kumu'i lu hokolo hu letoto humofa'na hu'ohuna bomofita okaba'ni alihi be megalabe luto akeheli'ohube.

Aposolo 28:23

To enali kana mone melelete ana kana'alo babu bona'i ete Polu nohina nonugu li nupa hi'ahana. Etehi hapi fito Polu kaga hapa hapa'a lu epiba lu epiba huto nohigo buto yege limi foloto sinihi gi'ehina. To ai ana huto Hu'mamofihi Kapo'amu kaga'a le'mo bati huto lu epi'ehina. To ai kaga koyapa'i lu huto huse bomagi hiti to Moseu hiti fayahi keye'ahanamofihi lu yege ho epi'ehina. To ya'ma kaga'atu enele'mo amuya moloto komopa'ani li keta mehuse hinogo Yesutoga komopa'ani emite minalabe luto lu'ehina yabe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Romu 14:17

Hu'mamofihi kapogu minaluta hapa'a ma ni'ifihe? Nose'na hiti nagami'i hiti nalutanamofihi nasanabe? O'e, ya huto meni'ibe. Hu'mamofihi Sikalafu'uba komopatigu lamana huse'na hiti to mino fulu huse'na hiti to legelo bise'na ya'ma lolo nohina ya'ma Hu'mamofihi kapo ni'ibe.

Romu 2:8

To bona'i luga'amagi enali ana'ina'animu kaba hite fato bona'i meenehe'mete'ani ka lamana'amofihi keheli he'mite foipa kapogu melelata nehago Hu'mau sipi ka epekito enipakafa enahalibe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

2 Tesalonika 2:12

To hetofa kaga'a enemegesa hi emite foipa nasanauba laga epesina bona'magihi enalitoga foipana sipi'a enali enugupisalo tilube'mu higo Hu'mau sipi huto enahalina'mu yabe.

Hibulu 2:1

Ya hu'ehina'mu lali laga mehina kapo legeso huto bili lalune luto ka'a keheli'ohutamo ya'ma aku'i le'mo kosaba huto amuya moloto li pili koto kehelito minalune.

1 Yoni 3:12

Koyapa'i Atahi pana'a Keniu ai'a kapolo mebilune. Ai foipanamofihi pana'a lolo huloto gona'a ho fili'ehinamo ni'ibe. To henabe luto ho fili'ehibe? Hapa'a ya'ma huto ma ni'ibe. Ai'a minoto lito hu'ehina'a laga mehu'ehina yagi to gona'auba mino'ehina ya bati hu'ehina yabe. Ya higo gona'amofihi siko hu etoto ho fili'ehina yabe.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.