Matiu 13:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Matiu 13:11 ပူးပေါင်းရင်းမြစ်များ

Matiu 13:10

To Yesuhi koko panana'a Yesutoga ete ma lite loka he'ahana: Henabe luto kai boana'magihi bame kaguti kaga lu noepine?

Matiu 16:17

Ya ligo Yesu lu emi'ehina: Simonio, kai Yonihi pana'a yale. Kai kegelo bibo. Ma melugu bo moneuba ya'ma lamana kaga mekelepi'ehinagi Afo'nifu kokulumalugu nohinauba ai'a kelepi'ehigo ya'ma kaga nolane.

Matiu 19:11

Yesu lu epi'ehina: Asaga boana'magi enali ya'mana kaga melilana'mu yabe. Hu'mau ai bo luga'amagihi amuya epi'ehina, enali ya'ma bomagigo lilana'mu yabe.

Matiu 20:23

Ya la'igo Yesu lu etimi'ehina: Ma'naka lite letali nani ya'ma nagami konuguti nala'ina'mu yabe. Ya hila'ina ninaya moneuba nayahi lamaga'aga minenogo moneuba nayahi soga'aga minenogo hila'inamofihi hapa'aya nani nasana'ni meni'ibe. Ya'mana kefa hisalo luga'a bona'magihina yabe luto, nani afo'nifu li loloba hu epolo'ehina yabe.

Maki 10:40

To ya'ma lamaga'nigago soga'nigago minala'inamofihi ya'ma nani foya'ni meni'ibe. Afo'nifu, Hu'mau ai le'mo bati hu etoto'ehina bomale'i luga luga'ni minala'ibe. Yesu ya lu etimi'ehina yabe.

Maki 4:11

To ai ma luto lu epi'ehina: Lenali Hu'mamofihi kapo'amu'i suguna ka hekele lite kehelilabe. To enali fegutoga bona'magihi fono ka anasi lu noepube. Hena'mube?

Luku 8:10

Ya hite loka nehago Yesu ma luto lu epi'ehina: Hu'mau ai'a suguna ka hapa'a alu lepi'ehibe. Ya hu'ehina luga'a boana'i enali bame kagutiko lu noepune ya hulenogo enali gili gili hilete be megalabe to enekesatu'i keheli lanaya ka mana melilana'mu yabe.

Yoni 6:65

Ya'mu luto kaga mone'a hiti molo emito ma luto lu epi'ehina: Ya'ma lilabe luto'ni nani ma luto lu lepi'ohuna yabe. Bo mone'mofihi Afo'nifu amuya meemilina nanitoga mealina'mu yabe.

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Aposolo 16:14

Ya'mana analuguti mone a'mofihi gi'a Litia yabe luto nohinauba kagati keheli'ehina. Ai Taitaila hepato a'uba safa guketelo bisinisi nomalana a'i yabe. Ai Hu'mamofitogago agoya hu emito nominana'mu luto Sipi Bouba ekesa'a li hokolo higo Polu lina kaga keheliya i'ehina.

Romu 11:25

Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

1 Koliti 15:51

Kehelilo. Nani suguna ka mone lu lepilugi. Lali mone'a fili su mehaluta ni'inaya asaga'i nominana'a hiti fili'ahana'a hiti lali fa'mene li gelehe huto kosaba lugufamofihi asaga'i lito i kololo bi su halutamo ni'ibe.

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

1 Koliti 2:7

O'e, nani keheli bati huto lulata nohuna'a Hu'mau koyapa'i komopa'agu suguna huto keheli molo'ehina yamofihi lu huto hulata nohube. Keheli molo'ehina ka'a ya'ma bona'magita lali Hu'mamofihi fana meha'agu minalune luto koyapa'i ana'ina li huto mehina yupahi Hu'mau le'mo keta mehuse huto molo leto'ehina.

1 Koliti 4:1

Lenali lali kumu kehelinogo Kilisitohi lili'nalo bo'a to Hu'mamofihi suguna ka'a kaba huto leli'ali bo lolo nohuta kehelilo.

1 Koliti 4:7

Ki'afu ligo lenugufa le'momo titi nehabe? Lenalitoga ana'ina bai toto ni'ina yamofihi Hu'mau ya nasana melepi'ehifihe? O'e. Hu'mau ana'ina silaga'i lepi su ho'ehinamo ni'inagihe. Lenali henabe lite nekeheligo Hu'mau ana'ina melepi'ehina lolo nohigo laliti li huto nohune nelite lenugufatini le'momo tilata nehabe.

Efeso 1:18

To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.

Efeso 1:9

To ai'a keheliya ito ya'mamofihi legekesa lu hokolo hu leto'ehina to ya huto ai'a suguna huto molo'ehina ka alihi Kilisitou le'mo huto hilina'a komopa'aguti ma luto lu hokolo hu leto'ehina.

Efeso 5:32

To ana kamofihi hapa'a fala ki mino'ehina yamofihi Kilisitohi to bona'a lali kumu yabe luto nani nekesa ya'ma nokehelube.

Efeso 6:19

Ya nehite nani kumu ya'ma nelesa melinogo Hu'mamo nabaga'ni le'mo babahi hulenogo hetofa ka lamana'a suguna'i ni'ina yamofihi nabaga li gelehe hinogo babahi hulenogo lu huto hilibe lite lenali Hu'mamofitoga lilo.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

1 Timoti 3:9

Enali komopa'anigu gulu gulu linogo Hu'mamofihi ka lamana'a lu hokolo hu'ehina ka'a keheli amuya melete yamofihi li pili kete minalabe.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

1 Yoni 2:20

Ya hi'ahanaya, Kilisitou ai hetofa Sikalafu'a ho lifigo komopatinigu tito nominago lenali asaga'i Hu'mamofihi ka lamana'a keheli baga i'ahana yabe.

1 Yoni 2:27

To lenalitoga Kilisitou Sikalafu'a molo epololata nohina ya'ma lenalitoga nominago mege'i melelata nehago yana'mu bo moneuba faga hiti lamana ka hiti henabe luto lu moloto lu lepilibe? Yamofihi ya'ma meni'ibe. Sikalafu'a molo lepolo'ehina ai ka'a asaga'i giyaka giyaka lito lu lepilata nohina nohibe. To ai ka'a ya'ma faga hiti meni'ibe. Lamana'ago ni'inago yana'mu Sikalafu'uba lu lepi'ehinamo ya'ma keheliya ilete Kilisitohi komopa'agu minalo