Matiu 12:34 - Ka Lamana'a Monoꞌi Lu Mu Tifiꞌehina Ka Yabe

³⁴ Lenali foipa osifa'mofihi yagapana'a nehabe. Lenaliba hena hite bati ka lilana'a huto ni'ibe? Lenali foipa bona'i yabe. Asaga foipa foipa kaga bomofihi komopa'agu bai toto nina kaga'a ai baga'aloti huto hulata nohibe.

Matiu 12:34 ပူးပေါင်းရင်းမြစ်များ

Matiu 12:35

To hetofa bomofihi komopa'agu kaga bati'a babu luto minolata nohibe. Ya hu'ehigo ai hetofa sunogo hulata nohibe. To foipa bona'magi komopa'anigu kaga foipa faipa'a bai toto ni'igo foipa faipa'i suhi babu lite li huto hilata nehabe.

Matiu 15:18

Ya hu'ehina ana'ina bomofihi baga'agu ni'inati fegutoga heleko limilata nohinaya komopa'aguti huto huloto tilata nohibe. Ai ya'mananauba bomofihi komopa'a li kolo tolata nohibe.

Matiu 23:33

Lenali osifa'i yabe. Lenali foipa osifa'mofihi yagapana'a yabe. Hu'ma ka foyagu lenele'mo malalinauba logo kapogu lenoho lifilina'mu yabe. Hena hite lenali koli felenogo Hu'mamofihi ka foyauba lenugufalo melilina ni'ibe? Lenali koli mehilana'a huto ni'ibe luto Yesu lu'ehina yabe.

Matiu 3:7

Yoniu Felosi bona'i to Satusi bona'i babu lite nagami'i folo letalane lite ago bu enogoloto ma luto lu epi'ehina: Lenali foipa osifa'mofihi yagapana'a, kuyu'afu lu lepigo Hu'mamofihi italuga logo bise'na alihi huto hilube'mu nohina koli falalune'mu nehabe luto ka epeki'ehina yabe.

Luku 3:7

To babu boana'i enali nagami falalune'mu Yonitoga elago ai ma luto ana boana'i lu epi'ehina: Lenali laga mehina osifa'mofihi yagapana'i yabe. Kuyu'afu lu lepina'a hite Hu'mamofihi ipakafa hilinamomu'i koli hite he'mite alihi huto hilinanalo be ligite bilune'mu nehabe?

Luku 6:45

To hetofa bo mone'mofihi ka kehelise'na'a babu lito ipagu hetofana minolata nohibe. Ya hu'ehigo hetofa sunogo li huto hulata nohibe. To bo sibina'amofihi ka bati mehina'a babu lito ipaguti huto hulata nohibe. Ya nohigo bati mehina suhi li huto hulata nohibe. To yaka'mana kaga enipagu bai toto nominana enabagaguti tito bulata nohibe.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

Efeso 4:29

Huli ka mone lenabagaguti mone melilo. Kaga lamana'a lite ai he'menogo ai he'menogo hilana kapomo sa hi lepalalana ka linogo enali katini kehelilana bona'i luga'a keheli bati hinogo enele'mo bati hilanagihe.

Efeso 5:4

To kolo tana ka yagi, negi nagi ka yagi, to kiya yokolo ka laga mehinana'a yagi lilana'ya laga mehilube'mu hibe. Hu'mamofitoga fokehi lite minalo.

Yemesi 3:2

Lali asaga'i sibina hulata nohune. Luga'amagi enali kagagu sibina mehilana ana bona'i lusiga bati hite mineme bite minalana'mu yabe. Enabaga'ani kaba hilana yamagi enugufalo ana'ina asaga'i fa'mene kaba hilanamo ni'ibe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.