Matiu 12:31 - Ka Lamana'a Monoꞌi Lu Mu Tifiꞌehina Ka Yabe

³¹ Ya'ma ka'mu luto nani lu nolepube. Asaga foipanafi to bona enemegeka boana'magi lilata nehana Hu'mau ana foipana'ani li he'milina'mu yabe. Ya hilinaya to mone bouba Sikalafu'mofihi megeka luto kaga emekilina foipana'a Hu'mau li mehe'mi etalina'mu yabe.

Matiu 12:31 ပူးပေါင်းရင်းမြစ်များ

Luku 12:10

Bo moneuba Kokulumaguti limi'ehina Bomu'i ka foipa'a lu etalina Hu'mau ai foipana'a li he'mi etalina'mu yabe. To bo moneuba Sikalafu'mofihi ka foipa'a lu etalina Hu'mau foipana'a li mehe'mi etalina'mu yabe, luto Yesu lu epi'ehina yabe.

Aposolo 7:51

Lenali kegeiyo bona'i. Lenali kaga mana'a Hu'mau molo'ehina li komopatinigu melete meminana bona'i yabe. Lenali asaga'i tatatinigi hi'ahana ana supo lite nehabe. Asaga yupahi lenali Sikalafu'i le'mo he'milata nehabe.

Hibulu 10:26

To lali Hu'mamofihi ka legeya'a yauba komopatigu fi besa lolenogo legekesa kehelito foipana aku'i lilune luto nolunogo foipanati'mu ya'ma kehelito le'mo eto huto linogoti foipanati su halibe luto mamufa gilata nasana mone meni'ibe.

Hibulu 10:29

Yanauba keta hu tegi huto ni'inaya, bo moneubafi moneuba Hu'mamofihi pana'amofitoga megesa hu emilina to mino hepito mu tifise'namofihi kaga'alo golahi lepe tepe hu'ehina nasanauba komopa'a le'mo fana to'ehina yamofihi ai bu goto fa'mene lolo huto nohilina bomofihi Hu'mau hena hu etalina ni'ibe? To lehe'mose afo'afu Sikalafu'i yamofihi le'mo laba hilina ya'ma bomofihi Hu'mau hena hu etalina ni'ibe lite lenekesa nekehelibe. Ai le'mo sibina hu'ehinana'a sipi huto to keta'a hiti lilina'mu yabe.

Hibulu 6:4

To mono ka keheli'ahana bona'i luga'amagi nehinogo Hu'mamofihi fana meha'auba komopa'ani le'mo besa lago to kokulumaguti nose'na nete enele'mo'ehina to Sikalafu'i mone'i li'ahana enali yanamofihi enemegesa hi emite minenogomo hena hinogo aku'i enele'mo gelehe huto tiligi salune?

1 Yoni 1:9

Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.

1 Yoni 5:16

Bona'i moneuba lalu'afu moneuba foipa nasana nolinogomo bu goloto filise kapolo le'mo malalina nasana ya'ma lolo mehuse'namofihi nohinogomo bu goloto ya'ma ai kumu luto Hu'mamofitoga foipana'a li he'mi etobo luto ya lilibe. Lulenogo Hu'mau foipana'a li he'mi etoto mino kosaba huse kapolo le'mo malalibe. To filise kapolo le'mo malalina nasana ya'ma foipana hu'ehina'a mone ni'ibe. Ya hu'ohuta'amu Hu'mamofitoga lilata foya lilabe luto menolube.