Matiu 12:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Ya'ma lili'nalo bo'ni nohibe luto Hu'ma lu'ehina, ai nani'ni le'mo ho notube. Ai nebesina bo nohigo ai kumu'i nipagu bati hulata nohina pana'ni yabe. Nani Sikalafu'ni aitoga malaluna'mu yabe, to ai fato naga'magitoga hetofanaguti minosemofihi kagu lu epimofa'na hilina'mu yabe.

Matiu 12:18 ပူးပေါင်းရင်းမြစ်များ

Matiu 12:17

To kaga mone lu huto huto bo Aisaiyau ma luto lu'ehina kagauba legeya'a huto hilina'mu yabe:

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Maki 1:11

To kokulumaguti Hu'mamofihi nogo'auba ma luto lu'ehibe: Kai nigi moneko pana'ni, nebesita pana'ni nohane. Nani kofokehi gofa nolube.

Maki 9:7

To yalo enalitoga sopohi gilago soponuguti nogo moloto ma lu'ehina: Ya'ma bo nani'ni pana'ni nohibe. Nigi moneko pana'ni nibita hu'ehina pana'ni nohinagi ka'a kehelilo.

Luku 23:35

Bona'i luga'a analo ho tite minete gili gili nehago Yuta kaba bomagi Yesuhi kiya hi etete yokolo ka lu etete ma lite li'ahana: Ai fato bona'i enehe'mo'ehina yabe. To ai lusiga luto kokulumaguti o'ehina bo, Mesiau, Hu'mamofihi pana'a nohutomo ai ai'a he'malibe. Enali ya lite bai'i emite mine'ahabe.

Luku 3:22

Ya nohigo Sikalafu'i kigopa nama legitana huto aitoga nolimigo bu negago kokulumaluguti nogo moneuba ma luto lu'ehina: Kai nani pana'ni yabe. Kai nibita huse pana'ni nohane. Komopa'ni kaitogago nokumube.

Luku 4:18

Sipi Bomofihi meha'a nani hiti ni'ibe. Ai ka lamana'a feno'ha'ani menina bonatoga leli'ali hubo luto nele'mo ho ti'ehina yabe. Ai kaga ya'ma luto lubo luto noho lifi'ehina yabe. Lenali naga'i li'ahana bona'i he'mite fa'mene bilo. Lenali lenubu metepu i'ehina bona'i lenubutini i fana talibe. To lenali sipi ketana li'ahana bona'i bati hite minalabe.

Luku 9:35

Yalo'i sopopoguti nogo'a moloto ma lu'ehibe: Ya'ma bo nani'ni pana'ni nohibe. Nigi moneko pana'ni le'mo ho ti'ohuna pana'ni ka'a kehelilo.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Efeso 1:6

Hu'mau ya huto keke nolu letoto ai'a bita hu'ehina pana'a ho lifigo oto lali bati mehina bona'magita lele'mo lamana hu'ehibe. Ya huto hetofana hu'ehina'mu fokeha'a lilata nohune.

Kolose 1:1

Oho, Kolose hepato boana'ise. Nehafihe? Lenali Hu'mamofihi naga'i nehana bona'ise. Lenali lali hiti Yesu Kilisitohi naga'i moneko babeyafa huto koguna noito nominota bona'ise. Hu'ma afotifihi fuluna'a hiti hetofana hu lepalalina'a lenalitoga mineno. Nani Hu'mau nele'mo ho ti'ehina bo Yesu Kilisitohi aposolo bo Poluita ma fayahi nokoyobe. To logonati Timoti hiti fayahi nokoyo'ibe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

1 Pita 2:4

Lenali Sipi Boti mino lito buto minolata nohina efahi legi huto nohibe. Bona'magi bu ge he'migo Hu'mau keheligo mina'a hiti tigo yauba le'mo'ehibe. Ya higo lenali aitoga bite hepilo.

2 Pita 1:17

Ya nohuto'ni pana'alobo'a luga'a hiti lali ya'ma hepifa kosalo li nupa huto nohutogo kaga mone ma luto kokulumaguti limi'ehina keheli'ohutamo ni'ibe. Yamofihi Hu'mau afotifihi gi'a le'mo ho tinogo fana mehena'a fi fana to letenogo kokulumagu ya'ma sipi fana meha'a hiti bouba aitogati nogo'a moloto kaga ya'ma luto ma luto limi'ehinamo ni'ibe: Pana'ni lamana'a moneko ya'ma nohibe. Ai'i ya'ma bu nogogo nibita nohibe. Ya noligo laliti akeheli'ohuta yabe.