Matiu 12:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To bo mone yaha'a sibina hu'ehina bo anagu mino'ehina. To Yesu hilina hapa'a li kuguma hu etalune lite bona'i luga'amagi mapahi fite ana nonuga mine'ahana yabe. Enali loka he'ahana: Fuli kanagu'i enebesi'ehina bona'i enele'mo bati huse'iba bati huto ni'ifihe?

Matiu 12:10 ပူးပေါင်းရင်းမြစ်များ

Matiu 12:2

To Felosi bona'i luga'amagi ya hanana be gelete ma li'ahana: Fuli kanagu o'e lite li'ahana supo lenali hena'mu ya nehabe?

Matiu 19:3

To Felosi bona'i mone'amagi ai nohinalo ete fi taga nehite loka he'ahana: Lali keya kaguti henana ni'igo bo moneuba liha'amofihi fa'mene le'mo he'milenogo bati huto ni'ifiye?

Maki 3:2

To ana nonugu bo mone yahi yufu no'ehina bo nohigo, enali Felosi bomagi Yesu fuli yupapogu le'mo bati hilifi lite mapahi fite mine'ahana yabe. Enali ai ya hulenogo bugu ka emekilune lite mapahi fite mine'ahabe.

Luku 11:54

Yesuhi bagalo ka fato fato babeyafa hite loka helete kaba bagalo hi'ehite ka mone sibina'a nolinogomo ka foyagu le'mo malalune lite hi'ahana yabe.

Luku 13:14

To mono noto kaba hu'ehina bouba ya huto Yesu ana a'i fuli yupahi le'mo bati hina'mu luto ipagu logo lo'ehina. Ya higo ma luto asaga boana'i lu epi'ehina: Lili'na lise kana'a loegi loegi loegi yupahi minolata nohune. To lenali lenebesise'natini li he'mi lepalalabe litemo lili'na lilata nohuta kanalo elata hilo. Ya huto lepesi'ehinogomo fuli kanagu mealo luto, mono nohi kaba bouba lu'ehina yabe.

Luku 20:22

Ya hulata nohata kai kehelitaba takisi bati huto epilata nohupi bati mehina suhi luto epilata nohune?

Luku 23:14

Ya hago ai lu epi'ehina: Lenali ya'ma bo aku'i le'mete nanitoga elete ma lite li'ahabe, ai boanatimagihi bati mehina kaga lu noepina bo yabe. Ya li'ahana nani yatai lenali lenogobisalo mana bouba kegeiyo'na li huto hu'ehilina'mu beloloto bu gona asaga lenali lilete ka foyagu le'me nemalana suhi ai li huto mehu'ehibe.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Yoni 5:10

Ya'mu lite Yuta bomagi besise'na ye kana bomofihi li emi'ahana: Yatai fuli yupapo nina. Kai keya kaga o'e luto molo'ohutamofihi pelesa ito nebelusaka kofito noane.

Yoni 5:3

To ya'mana gelumu nagami'uba mopo hilina'mu geba hite babu bona'i enubu pisi lu'ehinafi, enigi enayahi foipa lo'ehinafi, to felisa'ani amuya memolo'ehinafi babu lite enabasu bilata nonugu li gehesa hite mine'ahana yabe.

Yoni 7:23

Lenali Mosehi keya ka'a mege'i malalupi lite lenekesa kehelilete fuli kanagu panatini enugufa laga hilata nehabe. Ya hilata nehanamo nani fuli kana'alo bo mone le'mo ye ko'ohunamomu'i lenali henabe lite kafa nehabe?

Yoni 8:6

Enali fisa ilune'mu ya'ma kaga mi'i melete loka he'ahana. Ya hana ai Yesu melugu lipi tipi huto yahi kosa'atu mumusopagu fayahi goto mino'ehina yabe.

Yoni 9:16

Ya ligo Felosi bona'i mone'amagi ma li'ahana: Ya'ma kene'i kubuka li hetofa hu eto'ehinauba mono fuli yupapogu foya li'ehina'mu ai Hu'mamofitogati meo'ehinagi ya'ma keya kalugu mone: Mono fuli yupapogu lili'na melilo, litomo ni'igo ya'ma bo kagamofihi keheli he'mi'ehinagihe, lite li'ahana. To mone'amagi li'ahana: Henabe? Ai ma bomofi kumu amuya lili'na li eto'ehina'mu henabe luto foipa bo nohibe? Ya lite lilete folaganuguti tele'ahana yabe.