Matiu 11:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya luto Yesu kaga lu su holago Yonihi koko pana'a abilago Yesu Yoni kumu kaga babu boana'i lu epi'ehina: Koyapa'i lenali bona'i menehana kamelugu bi'ahana henana bu galune lite bi'ahanabe? To lenali akepa mone'mofihi habafahuba li pisi hu'ehina bu galune litefihe?

Matiu 11:7 ပူးပေါင်းရင်းမြစ်များ

Matiu 11:8

To lenali henana bu galune lite bi'ahanabe? To lenali bo moneuba hetofa gukete li hekoloto nohinogo bu galune lite bi'ahanafihe? Nani lu nolepube. Enali bona'i hetofa gukete li hekelete to hetofana enugufalo li melete neminana bona'iya enali sipi kibina bomofihi noha'agu minelata nehabe.

Matiu 12:20

To akepa mone i pisi hu'ehilina ai li gofa mehilina'mu yabe. To logo mone loloto yuhufa sabalube'mu nohilina ai li sobo su mehalina'mu yabe. Ai lili'na liba liba huto nohuto mino fe luse'namofihi be ligiloto'a yabe.

Matiu 21:25

Ya yagi Yoni bona'i nagami'i folo epolo'ehina, ya'mana nagami'i folo epolose'na hiya'agati o'ehibe? Hu'mamofitogati o'ehifi to ma melugu bomagitogati o'ehibe? Ya luto enoloka hago enali ya'mana kaga kehelilete musi musi ka lite ma lite li'ahana: Hu'mamofitogati'na yabe liluta ai ma luto lilina'mu yabe. Hena hu'ehigo lenali Yonihi komopatinigu li menemalabe lilina'mu yabe.

Matiu 3:5

Ana yupahi Yelusale bona'i to Yutia kegi'a bona'i to asaga hepa'i Yotani nagami bele belehi ninalo neminana bona'i asaga'i Yonihi aitoga e'ahana.

Luku 8:18

Yana'mu lenali kaba hu bati hilo. Lenali kaga keheli bati hilanamo'mu nolube. To bo moneuba kehelise'na lilana Hu'mau ai mone'a hiti babu lito emilina'mu yabe. To bo moneuba kehelise'na melise fa'mene nohilina yalo ai kehelise'na mone ali'ohube luto ekesa noyigilina Hu'mau li he'milina'mu yabe.

Yoni 1:38

Ya neha'igo Yesu i behe huto bu etogoloto ma luto lu etimi'ehina: Letali henana'mu sa sa neha'ibe? Ya ligo etali ma lite lu emi'aha'ina: Labai, kai hiya nonugu nominane? li'aha'ina. Ya'ma Labai lali kagaluguti lu gelehe huto babafi bo yabe.

Yoni 5:35

Libi logouba asaga bona'i enele'mo besa nolana'a huto Yoniu nohigo ana fana meha'agu lenali hupamone kana'asilo komopatinigu laga higo lenegelo bite mine'ahabe.

Efeso 4:14

Lali ya huto lagaso yagapana'i tegina meminose amuya moloto nohinogoti limi'i melelata bo enali faga faga li liminogo faga faga kamofihi yasi'auba lele'mo miyalo malo hinogo miyalo i ke'malupi malo i ke'malupi lu liluta hu laligi. Enali'i bona'i luga'amagihi enimi'i melete enele'mo keheli sibina nehana yabe. To laliya lele'mo keheli sibina hi lalabe.

Yemesi 1:6

Ana'ina lilufi melilufi luto ekesa loe lae mekehelise keheli monekoto moloto Hu'mamofitoga lino. Ekesa loe kehelilina bona'i yamofihi yasi lito hege nagami i bili fu ilata nohina ya suhi huto minalina'mu yabe.