Matiu 11:6 - Ka Lamana'a Monoꞌi Lu Mu Tifiꞌehina Ka Yabe

⁶ To bo moneuba nani kumu'i ekesa yigi yigi huto Hu'mamofihi pana'a nohifi fato bo nohifi ya'ma meluse aku'i nanitoga komopa'a nimilina bo ai gelo bino.

Matiu 11:6 ပူးပေါင်းရင်းမြစ်များ

Matiu 13:21

Ya hu'ehina ai lufusa'a me'i komopa'alo mebu'ehibe. Ya hu'ehigo ai nesi kanasi minoto hosopa ilata nohibe. Alihi bona'i luga'amagi Hu'mamofihi kaga'a lu sibina hilune'mu hilete enali ana bomofihi ketana li kofi etete foipana suhi babu lite li huto hi etalana'mu yabe. Ya hinogo ana bomofihi hetofa kaga kehelito minose'na'a mele'isi he'mi etolata nohibe.

Matiu 18:7

To ma melugu bomagi bona'i luga'a foipanagu enelepite bilata nehana boya sipi keta epesilina'mu yabe. Ma'naka luto ya'manana huto hilina'mu yabe. To anana li huto hilina boya sipi keta besilina'mu yabe.

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Matiu 26:31

To Yesu ma luto lu epi'ehina: Yatai lenali nani'i he'mi netete koli fele su halana'mu yabe. Monolugu ma lite kaga lu huto huto bouba go'ehina yabe: Sipisipi yaga kaba hu'ehina bo Hu'mau ho filinogo sipisipi yaga'a koli hite tili tele hite fele su halana'mu yabe.

Matiu 5:29

To lamagakaga kubukauba ligo foipana nohutomo li kutu hoto he'milago bubo. Kugufaka luga kegi'a fenene hinogo nohuto minoba minoba kapogu bilata bati huto yabe. To kugufaka asaga'i ni'inogo nohuto logo kapogu bilata ya bati mehu'ehibe.

Maki 6:3

Ai nohi gise lili'nalo bo nohina, ai fa'mene Maliahi pana'a nohina yabe. To Yemesigi Yosesegi Yutasigi Simonigi enogo'anifu nohibe. To etali'agi mana hepatiga nehana yabe. Ai hepatilo bo nohinaya ya'ma ka nolina'a hiya'agati keheli'ehibe?

Luku 2:34

Simioniu lusa gi etimito ma luto pana'mofihi ito'afitogo Malia lu emi'ehina: Kehelibo. Ma pana'i ai babu Isilaeli bona'i luga'a enele'mo melugu malalina'mu yabe. To ai ana huto babu bona'i luga'a enele'mo ho tilina'mu yabe. To ai Hu'mamofitogati mone babeyafa'a legi huto huto minalina'mu yabe. Analo'i babu bona'magi ka sibina'a li etalana'mu yabe.

Luku 7:23

To bona'i enali nani kumu enekesa keheli loe lae menehana bati hite enofokehi lite neminabe.

Yoni 16:1

Aliha'a ana'ina mone lolo hi neepelenogo mono ka he'mi lalabe luto kaga ya'ma kohe toto lu nolepube.

Yoni 6:66

Yesu ya luto lina ka'amu lite pana'alobo'a mege'i lefelili hana enali luga'amagi he'mi etete tili tele hite bila ela hi'ahana yabe. To aku aku'i i behe hite ai hiti minomofa'na mehilune'mu hi'ahana.

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

Galesia 5:11

Nalalu'nigita, nani bona'magihi enugufalo Hu'mamofihi keya kamofihi laga huse'na keya'a hiti minalabe luto fi lehe toto bu'ohuna ni'itita kalana'i lenugufalo minalibe luto lu epito minotita ya'ma Yesuhi malipu yafalo fili'ehina yamofihi ka'a lu nolepuna'mu mu lenipa hulata nohinamofihi su hatita'mu yabe.

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.