Matiu 11:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya lago Yesu ka'anilo lu epi'ehina: Lenali i behe hite bite Yonihi sipi lili'na li huto nohugo be enaganamofihi hapa'a lu emilo.

Matiu 11:4 ပူးပေါင်းရင်းမြစ်များ

Matiu 11:3

Ya hilete ma lite Yesuhi loka he'ahana: Kaiba Yoniu alane luto lu'ehina bomo nohapi, fato bo geba hiluta ni'ibe?

Matiu 11:5

Enali enubu pisi lina bona'i aku'i enubu'ani i gili higo asaga'na bu negabe. To enigi enayahi sibina hu'ehina bona'i kapo malabe. To ililogo bona'i enele'mo gololo tugo babe. To enekesa hekini lana bona'i enekesa li hokolo hugo kaga kehelite babe. To fili'ahana bona'i aku'i ho ti kosaba habe. To fe'noha'ani menina boana'i ka lamana'a kehelibe.

Matiu 15:30

Ya nohigo babu boana'i enali li nupa hite ai nohinalo e'ahana. To enigigusa sibina hina bona'i, enubu pisi lu'ehina bona'i, felisa'ani kuyugu hu'ehina bona'i, enabaga hekini lo'ehina bona'i to fato fato epesi'ehina bona'i enali babu lite Yesutoga enele'mete e'ahana yabe. Enali enele'mete ete Yesuhi gigusa'agu malago ai asaga'i enele'mo bati hu su ho'ehina yabe.

Matiu 21:14

Ya luloto Yesu mono nonuga nohigo enubu pisi lu'ehina bona'i luga'a hiti to enalapusa sibina hu'ehina bona'i luga'a hiti enali Yesutoga ago enele'mo bati hu'ehina yabe.

Matiu 8:3

Ya ligo Yesu yatu su toto gufa'alo bako huto ma lu emi'ehina: Nani ya hilube'mu nohuto kugufaka gulu gulu hilinagi kehepuhaka asu ho'ehina, Yesu ya luto ligo ana'asilo hepuha'a asaga'na asu hoto fenene hu'ehina.

Yoni 14:11

Ya luto ma lu'ehina: Nani hiti Afo'nifi hiti moneka mino'ohu'inamo to nanitoko i ke'moto mino'ehinamo hiti ya'ma keheli ule'ale hilo. Yamofihi keheli ule'ale mehitemo amuya lili'na li huto hu'ohunanamofi kumu lenali nanitoga keheli ule'ale hu nimilo.

Yoni 5:36

Ya hu'ehinaya Yonihi be ligi'ehinanauba nani hapa'ni yatai lu huto nohibe. Asaga lili'na nani kumu lito li su halane luto Afo'nifu nimi'ehina nani nolube. Ya'mana lili'na nolunauba ai'a boana'i enelepinogo bu gelete Hu'mau ho lifigo limi'ehinagi lite lilabe.