Matiu 11:29 - Ka Lamana'a Monoꞌi Lu Mu Tifiꞌehina Ka Yabe

²⁹ Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Matiu 11:29 ပူးပေါင်းရင်းမြစ်များ

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Matiu 21:5

Lenali Yelusale hepatoga neminana bona'i ma lite lu epilo: Bu galo, lenalitoga kibina botini noabe. Ai koyone bo, ai toki yaga gupisalo minoto noabe. Ai toki yaga ikele'amofihi gupisalo minoto noabe.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 7:24

Ya hu'ehinagi, bo moneuba kaga'ni kehelito liyafa huloto nemege'i malalinauba ai bo moneuba hetofa ekesa keheliloto efaha me'i ninalo nohi gilata nohina suhi hilibe.

Luku 8:35

Babu boana'i hena suhi hu'ehifi lite bu galune lite bi'ahana. Enali Yesu nohinalo elete ana bo gufaguti foipa fele heleko limi'ahana gufalo gukete li hekololoto ekesa'a hokolo nohigo Yesuhi gigusagu nominana ana boana'i bu gelete enelesa'ani ligo koli hi'ahana yabe.

Yoni 13:15

Nani babeyafa'a lenelepi'ohunagi lenali ya'ma hu lepolo'ohunamofihi kehelite ana hite agoya hu epite minalo.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Aposolo 7:37

Ya'mana Moseu ma luto Isilaeli bona'a lu epi'ehina: Nani nele'mo huto hu'ehina bameto suhi huto li moloto kaga lu yege hose bo lenali folagahatiniguti le'mo ho tilina'mu yabe lu'ehina.

1 Koliti 9:21

To fegutoga bona'i enali Moseu keya ka lu'ehina ka mekeheli'ahana bona'i Kilisitotoga enele'mo malalube luto fegutoga bona'magi enalitoga mino moloto keya ka mekehelise bo suhi huto lolo huto mino'ohuna. Ya'ma Hu'mamofihi bulo ya'ma ai'a lu'ehina ka'a mege'i memalalube luto melilube, nani'ni Kilisitou lu'ehina ka'a mege'i moloto keheliya i'ohube.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Koliti 10:5

Hu'mamofihi hapa'a keheliya ise'namofihi kapo'a hekini lalune'mu ana'ina lite enita bise kaga'ani li nohe'mune. To Kilisitohi agoya hu emiluta'asigo huto hilibe luto kehelito fato fato'mofihi naga'i emito nohune.

Filipai 2:5

Yesu Kilisito ai'a kehelilata hu'ehinamofihi nasana ana suhi huto lenalitoga mineno.

1 Tesalonika 4:2

Lali lu lepi'ohuta ka lali kati meni'ibe. Sipi Boti Yesuhi bagaguti ka'a lu lenelepi'ohutamo ya'ma akeheli'ahabe.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

1 Yoni 2:6

Lali Hu'mamofitoga i hepito nohuta bona'i nohune luto liluta'amagita Yesu Kilisito minoto lito hu'ehina yamofihi babeyafalo minaluta yabe.