Matiu 11:27 - Ka Lamana'a Monoꞌi Lu Mu Tifiꞌehina Ka Yabe

²⁷ Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Matiu 11:27 ပူးပေါင်းရင်းမြစ်များ

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Luku 10:22

Nani Afo'nifu asaga'na nani nayanuguko molo'ehibe. Bo moneuba Hu'mamofihi Pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehinagi Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Yoni 1:18

To bona'i moneuba Hu'mamofihi bu mego'ehibe. Ya'ma Hu'mamofihi pana'a moneko'uba ai afo'afi hiti moneka mine hepi'aha'inauba Hu'mamofihi hapa'a lu huto huto lu limi'ehina yabe.

Yoni 13:3

Yesu afo'afu asaga kaba huse'na emi'ehina kehelito to Hu'mamofitogati limito o'ehina hiti to i behe huto Hu'mamofitoga aku'i bilina ya'mana akeheli'ehibe.

Yoni 17:6

Melugu bonatogati mone'a nanitoga enele'mo molo'ahata enalitoga fuluna ka amuya moloto lu epi'ohunamo ni'ibe. Kai nagaka nanitoga enele'mo malatogo enali kagaka kehelite kemege'i mele'ahabe.

Yoni 3:35

Afo'afu Pana'a laga'a gofa besigo kibi'ehina pana'ni yabe luto aitogago meha'a emi su holoto asaga'na ai yaha'a loko molo'ehibe.

Yoni 6:46

Bo moneuba Afo'nifihi bu mego'ehibe. Ai Hu'ma hiti nohinati o'ehina bouba aisigo Afo'afihi bu go'ehibe.

Yoni 7:29

Ya hi'ahana nani ai'i akeheli eto'ohube. Hena'mugo ai'a noho lifigo aitogati nani o'ohuna'mu yabe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

2 Yoni 1:9

Luga'amagi enali Kilisitou mono ka lu limi'ehinamofihi li pili mekese be ligite ka'a mone lilete li sibi hilana enali Hu'mamofihi lite enali'na lolo mehilana'mu yabe. Luga'amagi enali ya mehise Kilisitohi ka lamana'a kehelite lilete minalana yamagi afotifu yagi to pana'a yagi li pili kete lite etalitoga malalana'mu yabe.