Matiu 11:23 - Ka Lamana'a Monoꞌi Lu Mu Tifiꞌehina Ka Yabe

²³ To lenali Kapaneami bona'ise. Lenalitini kokulumalugu li saga hite tilana ni'ifihe? Logo kapogu limilana'mu yabe. To topa hose'na lenalilugu li huto hu'ohunana Sotomu hepalugu li huto hutita yatai hiti analo huto huba huba nohitita'mu yabe.

Matiu 11:23 ပူးပေါင်းရင်းမြစ်များ

Matiu 10:15

Nani ma'naka luto lu nolepube. Hu'mau ana boana'i kaga'ani loko hu epalalina yupapogu Hu'mau Sotomu hepa'i hiti to Gomola hepa'i hiti nesi'a enahalibe. To lenele'mo bati mehilana hepa'iya Hu'mau sipi enoho su halina'mu yabe, luto Yesu lu epi'ehina yabe.

Matiu 16:18

Ya hanogo nani lu nokumube: Pita, kaiya efa tegi suhi luto nohane. Ya hu'ahatago ya'mana efato nani mono noha'ni giluna'mu yabe. Filise'namofihi amuya'auba be megilina'mu yabe.

Matiu 17:24

Yesu koko pana'a hiti Kapaneami hepatoga nehetilago sipi mono noto takisi efahi lise bomagi Pitatoga ete ma lite loka he'ahana: Tisatiniuba sipi mono noto takisiba nohe'mina ni'ifihe?

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Matiu 8:5

To Yesu kapo moloto mone hepato Kapaneami tito nohigo mone Lomu gimi bouba oto lu emi'ehina:

Luku 10:15

To lenali Kapaneami bona'ise. Lenalitini kokulumalugu lele'mo saga hilune lite ya'iya tilafihe? Logo hepalugu limilana'mu yabe.

Luku 14:11

To bo moneuba ti saga huto nohuto gi'a li saga hilina Hu'mau le'mo laba huto le'mo lagaso bo lolo nohuto to, bo mone laba huto minoto agoya bo minalina Hu'mau sipi bo le'mo lolo hilina'mu yabe luto Yesu lu'ehina yabe.

Luku 16:23

To ai logo hepa'mo ai'a Hete hepa'i anaga buto gabu sipi'a nogigo ya nohuto hiha lu'ehina: Akae. Akae, luto minoloto bu go saga huto'a Abalaha foto'i nohuto Lasalasihi nu ki'ehinalo bu go'ehina yabe.

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Aposolo 2:27

Kai nugufa'ni he'mitogo filise bona'magi hepatoga meminalibe. To ana huto lamana bomofihi gufa'a he'mitogo tuguma mebilina'mu yabe.

Aposolo 2:31

Tebitiu Hu'mau li huto hilube'mu nohinamofihi hapa'a abu goloto Mesiau aku'i ho tilina kaga ma luto lu'ehina: Hu'mau filise bona'magihi hepalugu gufa'a he'minogo meminalina'mu yabe. To gufa'a tuguma mebilina'mu yabe.

Yute 1:7

To Sotomu to Gomola to nohi hepa'i luga luga mino lito buto oto hu'ehina hepato boana'i beto hilo. Enali ana hite anamofihi hite haya kelete moko fako nasanalo li huto hilago logo amuya moloto minoba minoba nohinagu he'mi epalago nehana nebabe. Yamofihi bu nogotogo lelesati gofa lilina'mu yabe ya suhi hu epolo'ehinamo ni'inagi yana'mu lenegekesu meheno.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 11:8

Filile'inogo bona'i etali etugufa'atiti he'mile'inogo hepa'i sipi lamana'alo kapogu kete minala'ina'mu yabe. Sipi Bo'atitimofihi ya'ma ana hepato koyapa'i malipu yafalo helago fili'ehina hepa'mofihi ya'ma gi'a fono kamofihi ka'aguti Sotomu to Iyipi yabe, lite lilata nehabe.

Huto Hilina Ka 20:13

To ana kanalo hege nagami'mofihi komopa'agu filite ke'ahana'a enali'i enele'mo tiligi so'ehina. To fililata nasanamofihi to kene mala malamofihi komopa'agu filite bite mine'ahana'a enali hiti enele'mo tiligi so'ehina. To ka foya li kehelise bouba filite bi'ahana'a bona'i asaga'i enali lite melete hi'ahanamofihi hapa'a li nupa huto ka'ani loko huto pa sose'na epi'ehina.

Huto Hilina Ka 6:8

Ya huto nubu bu go saga huto bu nogogo hosi yaga mone gufa'a okoho tegi huto lo'ehina ya'ma ago bu go'ohuna. To bo mone gupisa'alo nominana ya legi huto gi'a Fililatana ya'ma to megesalo mege'i moloto o'ehinamofihi gi'alo ya'ma Kene Mala Mala'na yabe gi'a mele'ahana. To etali melugu bona'i kupa loebe loebe fi hala'ibe lite neago li gehesa mone ya'ma luba to kau'na sipi to besise luna lana to lopi kafa'nama luba nasana ya'ma huto hite bona'i enele'mo sibina hilabe luto yamofihi enoho fililo luto amuya etimi'ehina.