Matiu 11:21 - Ka Lamana'a Monoꞌi Lu Mu Tifiꞌehina Ka Yabe

²¹ Ai lu'ehina: Ke, Kolasini bona'ise. Ke, lenali Betesaita bona'ise. Lenalitoga babeyafana li huto nohunana enali Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animo'mu nehabe luto huto hulata nohinagi lenali komopatini i gelehe mehi'ahana.

Matiu 11:21 ပူးပေါင်းရင်းမြစ်များ

Matiu 11:22

Lenali kehelilo. Me'i su halina kana'a to ka foya lilina yupahi Hu'mau Taiya bona'i hiti Saitoni bona'i hiti enalitoga babu lito keta mehu etalinaya lenalitoga sipi keta besilina'mu yabe, luto Yesu lu epi'ehina yabe.

Matiu 15:21

To Yesu ana hepa'i he'miloto Taiya hiti to Saitoni hepa kegi'a bu'ehina yabe.

Matiu 18:7

To ma melugu bomagi bona'i luga'a foipanagu enelepite bilata nehana boya sipi keta epesilina'mu yabe. Ma'naka luto ya'manana huto hilina'mu yabe. To anana li huto hilina boya sipi keta besilina'mu yabe.

Matiu 26:24

Mono kagu koyapa'i kaga lu yege hose bomagi nani ya'ma Kokulumaguti limi'ohuna Bo fililuna'mu fayahi ge'ahana kaga ninalo nani filinogo'ni pa salina'mu yabe. Ya hu'ehinaya ai nayato lito fateha'nimagi epilina bose. Ke. Ana bo lesa'a gofana lino. Ito'afu ana bo meketatitaya bati huto minatita'mu yabe.

Maki 6:45

To yalo Yesu ana'asi pana'alobo'a amuya ka lu epito ma lu'ehina: Lenali nani kohe tete bite botigu tite nagami muya beletoga Betesaita hepatoga lofotula hilutagi bilo.

Maki 7:24

Yesu ya luloto, ana hepatogati he'mito buto Taiya hepa'i to Saitoni hepa'i ni'ina kapogu buto'a, nonugu tito suguna huto mino'ehibe. Ya huto suguna huto nonugu folo'ehigo yalo bona'magi kehelilago,

Maki 7:31

To yalo, Yesu Taiya hepatogati he'mito buto Saitoni hepa'i folaganugu buto muya beletoga Tekapoli kapo bege ligito buto Galili nagamito neheti'ehina.

Maki 8:22

To yalo Yesu to pana'alobomagi hiti Betesaita hepatoga nehetite neminago, bona'magi bo mone bu pisi lu'ehina bomo Yesutoga le'mete bite: Oho. Kayapotu bako huletogobe lite buka tilago,

Luku 4:26

Ya hu'ehinaya Hu'mau ai Elaiyahi ho lifigo Isilaeli anatoga mone mebu'ehina. Ai fato melugu Salefate, Saitoni kapogu nina hepato keto a'i mone baha'a fililago nohinalo bu'ehina.

Luku 6:17

To Yesu enali hiti limito me'i kuguma hinalo koko pana'a luga'a hiti ho ti'ahana. To babu boana'i Yutia kegi'ati to Yelusale hepatoti yagi to Taiya nagami beletoga bona'i yagi to Saitoni hepato bona'i ete mine'ahana yabe.

Luku 9:10

Yesuhi aposolo panana'a aku'i ete li nupa hi su helete asaga'na enali hi'ahana Yesuhi lu emi'ahana. Ai asaga'i pana'alobo'a enele'moto luga'a fato bona'i nohe'mi epoloto enaligo Betesaita hepato bi'ahana.

Yoni 1:44

Filipiu ai Betesaita hepa'i Atulunogo Pitanogo ana hepato bo yabe.

Yoni 12:21

Enali ete Yesuhi pana'alobo'a mone Filipi, ai Betesaita hepato Galili meluguti o'ehina bo aitoga ete lu emi'ahana: Babafio, lali Yesuhi bu galune'mu hune.

Aposolo 12:20

To Taiya hepatoga bona'i hiti Saitoni hepatoga bona'i hiti enali'i Helotiu sipi enipakafa holoto italuga logo bigo nohigo enali bu galune lite li nupa hite monekolugu e'ahana. Enali Balasitosiu kibina bomofihi nokana hepato kaba hulata bomofito yata'a kaga ai hiti lu bati hulototi yabe lite enalitoga le'mo mele'ahana. Ya hilete ya'ma kibina bomofihi hepaluguti nose'na enali hepa'anilo lite bago nelata nehana'mu lite Helotihi ya'mana bona'i aku'i enele'mo fulu hubo lite aitoga yibi hi'ahana yabe.

Aposolo 27:3

Ya huloto eteka'a Sitoni hepato neheti'ohuta. Ya'ma gimi bona'i kaba'ani Yuliasiu Poluhi le'mo laga huto'a ai lalu'agita ete be tigite ana'ina'amu muhi nobilina emilo luto lu epi'ehina.

Yute 1:11

Akae. Enali minete ya'ma hena hena hilana ni'ibe? Enali Atahi pana'a Keniu foipa kapo'alo bu'ehina'a ya'ma kapolo bilana suhi hite ya nehabe. To efaha fe'nopofihi laga'a kehelite lite minete Balamuhi kapolo ya'ma me'me hite nebabe. To Kolau ai Hu'mau lu'ehina ka'amofihi pelesa ito he'mi'ehina ana hite kegeiyo hilete'ani yanauba enele'mo laba hinogo fililana'mu yabe.

Huto Hilina Ka 11:3

To nani ka'ni lu huto bo loemo lu etiminogo'ni gukete tafa'a li hekele'ehite bona'ni ya'ma ka'ni lu epi epi hite nehinogo ana foyamofihi kana'a ikahi 42 o belenogo su halina'mu yabe.

Huto Hilina Ka 6:12

To ana'ina yamofihi ma huto bu go'ohuna: Sipisipi nala'auba ai pepa naga'i napa 6 i hepulu tito yamofihi paka nosago imima'i sipi li'ehina. Imima'i noligo yege ya'ma kotinifa gito ifi to'ehina, nupa gu'i tafa'a ya suhi lolo hu'ehina. To ikahi ya'ma gola tegi lolo hu'ehina.