Matiu 11:11 - Ka Lamana'a Monoꞌi Lu Mu Tifiꞌehina Ka Yabe

¹¹ Yesu kaga molo emito lu'ehina: Nani ma'naka luto lu nolepube. Yoni ai nagami folo epolose bouba asaga bona'i ma melugu nehana enohoto nohibe. Ya hu'ehina bo mone Hu'mamofihi kapolo lagaso huto nohilinauba ai Yonihi be ligito nohibe.

Matiu 11:11 ပူးပေါင်းရင်းမြစ်များ

Matiu 11:10

Ya'mana bo Yoni kumu luto mono kagu ma luto lulata nohina yabe: Mono ka'ni leli'ali bo'ni ya'ma nohibe luto Hu'ma lu'ehina yabe. To nani yata'a ale'mo he'minogo'ni ai buto kapo li hokolo hu ketalibe.

Matiu 11:12

Yoni huto hina kanaloti minomo tito yalo'i kana'alo ago luba nehana bona'magi kokulumamofihi kapo'a li he'milune'mu nehite luba hiba hiba hi'ahana.

Matiu 3:1

Ya'mana yupahi Yoniu Yutia kamelugu humofa'na huto mono ka ma luto lu epimofa'na hu'ehina:

Matiu 3:11

Lenali komopatini i gelehe hana'mu luto nani fa'mene nagamitu nofolo lepolobe. Ya nohunaya ai bo mone nani nemegesalo alina bouba ai Sikalafu'i to logo'a hiti folo lepalalina'mu yabe luto Yoniu lu epi'ehina.

Matiu 5:19

Ya hu'ehinagi bo moneuba Hu'mamofihi keya ka'a nesi'asi li gofa hoto pelesa iloto luga'a bona'i ana suhi huto enelepilina kokuluma kapolo gi'a nesi'asi minalibe. To bo moneuba hetofana huto keya kamofihi liyafa huloto mege'i moloto nominoto boana'i ma kaga mege'i malalo luto enele'mo ho tiloto hetofa kapogu malalina ai kokulumalugu sipi gi'a minalina'mu yabe.

Luku 1:15

Ai Sipi Bomofihi bu'alo sipi gi'a lilina'mu yabe. To ai bai nagami'ifi to amuya nagami'ifi menalina'mu yabe. Ito'afihi ipa'agu nohinogo Hetofa Sikalafu'uba aitoga bai talina'mu yabe.

Luku 7:28

Yesu kaga molo emito lu'ehina: Nani lu nolepube. Yoniu ai asaga bona'i melugu nehana enohoto nohibe. Ya hu'ehina bo mone Hu'mamofihi bulo lagaso huto nohinauba ai Hu'mamofihi kapo'alugu Yonihi be ligito nohibe, Yesu ya luto lu epi'ehina yabe.

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Yoni 1:15

Yoniu sipi kehe ito kaga'a ai kumu ma luto lu yege ho'ehina: Ai ya'ma alihi nemege'i noanauba nebe ligito kibina bo nohina luto hena'mugope ai koyapa'i yata'a mino lito bu'ehigo nani alihi ito'nifu neketo'ehina yabe. Ai ya'ma bomofi kumu lu'ohuna yabe luto Yoniu ya lu'ehina.

Yoni 1:27

Ai nani nemege'i alihi noabe ya nohina nani ana bomofihi gigu su'amofihi naga gulu ho etaluna'a huto bati menohube.

Yoni 10:41

Anagu nohigo babu boana'i nehetite li'ahana: Yoniu lili'na amuya'a hiti meli'ohuto to ai ma bo kumu kaga lu'ehina'a ya'ma lama'naka lu huto hu'ehina.

Yoni 3:30

Ai gi'a tito sipi nominenogo nani nigi'ni limito nesi'asi minalibe.

Yoni 5:35

Libi logouba asaga bona'i enele'mo besa nolana'a huto Yoniu nohigo ana fana meha'agu lenali hupamone kana'asilo komopatinigu laga higo lenegelo bite mine'ahabe.

Yoni 7:39

Aitoga komopa'ani emi malalanamagi Sikalafu lilana'mu Yesu ya'ma kaga lu'ehina. Ya'mana kana'agu Hu'mau Yesu kokulumalugu le'mo saga hilina to fana mehena'a meli'ehina'mu luto Hu'mau Sikalafu'i metoga ho melifi'ehina yabe.

1 Koliti 15:9

Nani aposologuti limito nohube. Nani Kilisitohi naga'a kalana'i molo epoloto enohoto hu'ohuna bo aposolo yabe luto nigi'ni mololago nelesa'ni ligo nohube.

1 Koliti 6:4

Yamofihi kaga'a huto nehinogomo lenali hena'mu Hu'mamofihi bona'i nohuta lali nokehelutogo limilata nohina bo enalitoga lelite bilago lu laga hi lepelelata nehabe?

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

Hibulu 11:40

Henabe luto meli'ahana? Hapa'a ma huto ni'ibe. Hu'mau ai lalitoga ana'ina be ligito ni'ina'a molo letalube luto lu kehelito mino'ehina yamofihi enali kohe tete bati hite minalana'a ya'asigo meni'ibe. Alihi ya'ma lali hiti buto mino hepito bebe senogo minaluta nasana ya'ma li huto hilabe luto lu epolo'ehinamo ni'ibe.

1 Pita 1:10

Ana lubuto bise'namofi kumu ya'ma koyapa mono ka lu huto hi'ahana bona'i enali kehelilune lite sa sa hi'ahana yabe. To ananamomu'i Hu'mau lenalitoga lenehe'mose'na lepilube lite ya'mu ka hapa'aguti lite kaga li huto huto hite melete mine'ahana.