Matiu 11:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu nayaha'ni su hago nigigusaga loemo leheko malago koko pana'amagi lili'na lilana kaga alu epi su holoto ana hepa'i he'mito ana kegi'a hepa'i nila nila hu'ehinalo bula ola huto boana'i kaga lu enelepito to hetofa kaga lu yege homofa'na hu'ehina yabe.

Matiu 11:1 ပူးပေါင်းရင်းမြစ်များ

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Matiu 7:28

Yesu ya'mana kaga alu su holago asaga li nupa hite minana boana'i Yesuhi kaga'a kehelilete keheli fato fato hite sipi enelesa'ani lu'ehina yabe.

Matiu 9:35

To Yesu asaga hepatoga bego humofa'na hu'ehina. Ya huloto asaga boana'i mono noha'anigu lu enelepito Hu'mamofihi ka lamana'a lu noepito to enebesina boana'i enele'mo ye nokoto to enugufagu ketana nina li he'mi epolomofa'na hu'ehina yabe.

Maki 6:12

Ya ligo, enali loemo loemo hite bifa hi'ahabe. Asaga hepatoga bite: Komopatini i gelehe hite foipanatini li he'milo, lite kaga lu epi'ahana yabe.

Luku 23:5

Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Luku 8:1

Aliha'a nesi'a minoto Yesu sipi hepa'ifi to lagaso hepa'i ninalo ninalo bula ola huto Hu'mamofihi kapo'amofihi hetofa kaga'a boana'i enalitoga lu epimofa'na hu'ehina yabe. To nayahi luga luga su hoto nigigusagati loemo heleko malago hite Yesuhi koko pana'a minana mege'i melete bi'ahana yabe.

Yoni 15:10

Nani Afo'nifihi bagaguti ka'a kehelito liloto komopa'a nimilata nohina yanamofihi kaba huse'na'nigu nohunamo ni'ibe. Ana suhi hite nabagaguti kaga kehelite lilete komopa'ni lepilata nohuna yamofihi kaba huse'na'nigu minalabe.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Aposolo 1:2

kokulumalugu ti'ehina kana moloto oto pa sobe. Kokulumalugu meti'ehigo Sikalafu'uba Yesuhi he'mago kaga ma luto enele'mo nupa hu'ehina aposolo panana'a lu epi'ehina.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 10:42

Filise bona'ifi to kosaba bona'ifi enali kaga'ani loko hu epalalina bo Hu'mau le'mo ho ti'ehina'mu luto loho lifigo lu yege nohone.

1 Tesalonika 4:2

Lali lu lepi'ohuta ka lali kati meni'ibe. Sipi Boti Yesuhi bagaguti ka'a lu lenelepi'ohutamo ya'ma akeheli'ahabe.

2 Tesalonika 3:10

Lenalitoga nohuto ya'ma luto lu lepilata hu'ohuta ni'ibe. Mone foya melise kegeiyo hilina bouba nose'na mo sito minalina ni'ibe.

2 Tesalonika 3:6

Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.

1 Timoti 6:14

Kai ya'ma Hu'mau lu molo'ehina ka keheli'ahata yamofihi mege'i molobo luto nolube. Ya hulotoka komopaka gulu gulu linogo foipana meminenogo minoto nobitogo Sipi Boti Yesu Kilisitou nehetilina kana'a huto hilina'mu yabe.