Matiu 10:8 - Ka Lamana'a Monoꞌi Lu Mu Tifiꞌehina Ka Yabe

⁸ Lenali enebesise bona'i enele'mo ye kalo, to fili'ahana bona'i enele'mo ho tilo, to sipi enehepuhi lo'ehilina bona'i ana enehepuha'ani li gololo ti epalalo, to foipa fele li he'mi epalalo. Lenali mina melise nelinagi ana hite mina'a melise lu nolepuna suhi hi epalalo.

Matiu 10:8 ပူးပေါင်းရင်းမြစ်များ

Matiu 10:1

To Yesu aposolo panana'a nayaha'ni su hago nigigusaga loemo leheko malago enele'mo nupa huloto foipa felefi to bona'i enugufagu enebesila to ketana nina li he'mi epalalabe luto amuyana epi'ehina yabe.

Matiu 10:7

Lenali bite kaga ma lite lu epilo: Kokulumamofihi kapo'a anasi a'o leba notabe.

Matiu 10:9

Lenali efa gutini luga li gu meise bilo.

Maki 16:18

To enali osifa'i enayahi lilana to nalisa nagami'i nalanafi ya hilana mefililabe. To enali epesi'ehina bona'magihi enugufalo enayahi melenogo fa hu epalalibe. Hu'mamofihi amuyana'a enalitoga minenogo ya'ma topa hose foya suhi lilabe.

Luku 10:9

Lenali yana hepato enebesi'ehilina bona'i enele'mo ye kelete ma lite lu epilo: Hu'mamofihi Kapo'a hokolo hilina kana'a anasi lenalitoga a'o leba notabe lite lu epilo.

Aposolo 3:6

Ya higo Pitau ma luto lu emi'ehina: Nani efahi meli'ohube, ya hu'ohunaya nani li'ohunana kimilube. Yesu Kilisitou Nasalete Bomofihi gi'alo nolu ketonagi kai kapo molobo.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.