Matiu 10:5 - Ka Lamana'a Monoꞌi Lu Mu Tifiꞌehina Ka Yabe

⁵ Yesu nayaha'ni su hago nigigusaga loemo leheko malago koko panana enoho lifiloto ma kaga lu epi'ehina: Lenali fegutoga bona nagatoga bite ise megilo. To lenali Samalia bona'magi hepatoga mebilo.

Matiu 10:5 ပူးပေါင်းရင်းမြစ်များ

Matiu 22:3

Ya huloto koko pana'a enoho lifigo enali bite bona'i nose'na nalabe lite kehe i'ahana, ya hago ana bona'magi mebilune li'ahana yabe.

Matiu 4:15

Sebuluni me'i to Nafatali me'i nagami hefutoga nina, to hepa'i Yotani Nagami beletoga mino bego bego hu'ehina, to Galili ifo'aga fegutoga bona'i neminana kegi'a yabe.

Maki 6:7

To yalo Yesu pana'alobo 12 magi kehe igo ago'a ma luto lu epi'ehina: Nani yatai lenoho lifinogo'ni bite bona'magi komopa'aniguti foipa fele enele'me he'milabe. Lenali loemo loemo hite bilo. To ya hite loemale'ita bitetiti ma hiliyo.

Luku 10:1

Alihi Yesu 70 bo'a enele'mo ho tito loemo loemo hepato fato fatolo enoho lifila, enoho lifila higo enali kohe tete nebinogo ai alihi bilube'mu hu'ehina.

Luku 10:33

To aku'i fateha bo moneuba Samalia kegi'a nohina bouba ai kapo nomoloto anaga oloto bu gopa mele'isi keke'i nolu etabe.

Luku 17:16

Ya huloto oto Yesuhi gigusagu golaga fito nokoto Yesuhi gepohi li'ehina yabe. Ya'mana bo ai Samalia kapolo bouba yabe. Yuta bona'magi ya'ma Samalia bona'mofihi enele'mo laba hilata nehana.

Luku 9:1

Yesu pana'alobo'a nayahi luga luga su hoto nigigusagati loemo heleko malago neminana kehe ito enele'mo nupa huloto ai gi'alo foipa felefi to enebesise'nafi li he'milabe luto enele'mo ho ti'ehina'a hiti to sipi amuya molo epoloto'a epi'ehina.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Yoni 17:18

Kaika ya'ma metoga lili'na ka lu netoto noho lifitogo ana huto metoga enali lili'na ka lu epito enoho lifito li epi su ho'ohube.

Yoni 20:21

To Yesu ka mone hiti lu epi'ehina: Lenalitoga fuluna'a a'mineno. Afo'nifu ma melugu noho lifigo limi'ohunaya nani ana huto lenoho lifinogo melugu tili tele hilana'mu yabe.

Yoni 4:20

Koyapa'a Samalia tata'nigi ma kosagu tite Hu'mamofihi enegelo bi emite gi'a li saga hi'ahana ninaya lenali Yuta bona'magita ma lite lilata nehabe. Hu'mamofihi gelo bi emilata hepa'i Yelusale ni'ibe.

Yoni 4:5

Ya huloto Samalia kegi'a Saika hepato koyapa'i Yakopu pana'a Yosefehi emi'ehina me'i lebato neheti'ehina.

Yoni 4:9

Ana a'uba Yesuhi lu emi'ehina: Akae, kai Yuta bomo nohata nani Samalia a'mo nohube. Enali Yuta bona'magi Samalia bona'i hiti koguna ite meneminanamo ninaya henabe luto nagami'i hefi nimibo nolane?

Yoni 7:35

Ya ligo Yuta bomagi ai loka hago ai loka hago hite ma lite li'ahana: Ai hiya'aga bu'ehinogo lali sa sa hilutaga'mu nolibe? Giliki nogo nehana metoga Yuta bo nehite Giliki bona'magihi hepato buto mono kaga enelepito bilube'mu nolifihe?

Yoni 8:48

Yuta bomagi aku i behe hite Yesutoga ete loka he'ahana: Kai Samalia kegi'a bo nohane, to foipa fele kai kugufagu ni'ibe lulata nohuta ya ma'naka nolupihe?

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 10:45

Yuta bona'i Hu'mamofitoga komopa'ani emise bona'i luga'a Yopa hepatoti Pitahi mege'i e'ahanamagi fegutoga bona'magitoga Hu'ma fokehena Sikalafu'i epina be gelete topa he'ahana yabe.

Aposolo 8:1

Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.