Matiu 10:4 - Ka Lamana'a Monoꞌi Lu Mu Tifiꞌehina Ka Yabe

⁴ To Simoni ai fato gi'a Seloti yabe. To Yutasi fato gi'a Isikelioti, ai Yesuhi mi'i moloto fateha'amagihi epi'ehina yabe.

Matiu 10:4 ပူးပေါင်းရင်းမြစ်များ

Matiu 26:14

Ya'mana yupahi Yesuhi koko pana'a 12 nehanaguti Yutasi Isikelioti yabe lite gi nemalana bouba sipi mono nopo kaba bonatoga gutunu ka ma luto buto lu epi'ehina:

Matiu 26:15

Yesuhi lenelepilunaba lenali henana mina'a nimilanabe? Ya ligo enali kaba bona'magi efahi legeya'a leka selete 30 li nupa hite emi'ahana.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

Matiu 27:3

Yutasiu Yesuhi fateha'amagihi enayanuga li bi'ehinauba Yesuhi ka foya li etete ai ka'a li melugu malana bu go'ehina. Ya huloto ai komopa'a i gelehe huloto 30 siliba efahi legeya'a sipi mono bomagi to babafi olopa bomagi emi'ahana aku'i ito buto epi'ehina.

Maki 14:10

Ya noligo aposolo bo moneuba, Kelio naga'i nohina bo, gi'a Yutasi, ai anagati he'mito buto sipi mono bonaloga buto Yesu kumu gutunu ka lu epilube'mu bu'ehibe.

Maki 14:43

Yesu ya noligo, ana'asi aposolo bo moneuba, gi'a Yutasi, ai hiti babu bona'magi hiti muki osahi to emita osahi kofite neabe. Enali sipi mono bomagi to mono ka enelepise bomagi hiti to olopa mono bomagi hiti enoho lifilago ete neheti'ahana yabe.

Luku 22:3

To Yutasi Isikelioti yabe lite gi helata hana bomofitoga Satau nehetito komopa'agu ti'ehina. Ai aposolo bo 12 ya'ma nagaluguti yabe.

Luku 22:47

Yesu kaga noluto babu bona'magi neago Yutasiu, aposolo nagaluguti moneuba kohe to epalago e'ahana. Ai Yesuhi nu kiloto ya'ma bo yabe luto enelepilube'mu Yesu nohinalo o leba to'ehina.

Yoni 13:2

Utehi Yesu to pana'alobomagi hiti nose'na nete mine'ahana. Ya nehago Satau lu kehelito Yutasi, Simoni Isikeliotihi pana'a, ai Yesuhi fateha'a gutunu ka epilibe luto lu molo eto'ehina.

Yoni 6:64

Ya nohunaya luga'amagita nani kaga'ni keheli pili mekabe. Yesuhi fateha'a li enayanugu bilina bo hiti to kaga'a li pili mekalana bona'i hiti koyapa'i komopa'anigu abugo fulu ti'ehina yabe.

Yoni 6:71

Simoni Isikelioti yabe lite gi helata nehana bomofihi pana'a ai aposolo bo mone nohina'a gi'a Yutasi ai Yesu kumu fateha'amagi enelepilina yanana'mu Yesu lu'ehina yabe.

Aposolo 1:13

Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.