Matiu 10:2 - Ka Lamana'a Monoꞌi Lu Mu Tifiꞌehina Ka Yabe

² Nayaha'ni su hago nigigusaga loemo leheko malago aposolo pana'magihi enigi'ani li keheli'ehina ma luto ni'ibe. Yata'a Simoni fato gi'a Pita, to Atulu ai gona'a yabe. To Yemesi Sepetihi pana'a ai Yoni gona'a hiti yabe.

Matiu 10:2 ပူးပေါင်းရင်းမြစ်များ

Matiu 17:1

To loebe loebe loebe yege bulago minelete Yesu Pita hiti Yemesi hiti to ai gona'a Yoni hiti enele'mo mege'i toloto yatama kosagu enele'moto tilago ana kosalo enali'anisigo mine'ahana yabe.

Matiu 20:20

Ya'mana yupahi Yemesinogo Yoninogo ito'atitifu, Sebetihi liha'auba ana pana'ale Yesutoga etele'moto oto melugu lipito minoloto mone'nalo loka halube'mu hu'ehina.

Matiu 26:37

Ya luloto Pitahi yagi to Sepetihi pana'a loe hiti enele'mo mege toto moneka bi'ahana. Ya hite nebago Yesuhi gufa'agu sipi keta besigo ligo pisigigo huloto ginaga gofa fi'ehina.

Matiu 4:18

Yesu Galili nagami Hefuhi beleha'aga kapo moloto notubuto loe kogunale bu etogo'ehina. Simoni, enali Pita lite gi'a helata nehana hiti to gona'a Atulu, etali hefunugu faya gutalafa melete neha'igo bu etogo'ehina.

Matiu 4:21

Bu foto'alo mololoto ana huto kogunale Yemesi to Yoni, etali Sepetihi pana'a neha'igo bu etogo'ehina. Etali boti'atitigu afo'atitifi hiti faya gutalafa li loloba hite neha'igo Yesu kehe i etimi'ehina.

Maki 1:29

To Yesu ana mono nonuguti limito, Yemesi hiti Yoni hiti limite bite Simoni Atulu kogunale etali noha'atitigu ti'ahabe.

Maki 13:3

To alihi, pana'alobo hiti ana hepatogati he'mite bite mone kosalo, gi'a Oliba, ana kosalo tilete to miya ya'ma sipi mono nohi bu gete nehago Pitagi Yemesigi Yonigi Atulugi suguna hite ma lite loka he'ahana: Ya'ma sipi efaha nohi i tobo silina kana huto hilina'a lali hiya'a huto kehelilune?

Maki 6:30

To Yesuhi pana'alobomagi enoho lifi'ehinagati aitoga aku'i ete'ani enali hi'ahana ka hiti to lu epi'ahana ka hiti beto hite lu emi'ahabe.

Luku 11:49

Ya hu'ehigo koyapa'i Hu'mamofitoga kaga kehelise'na'a bati huto ni'igo ai ma luto lu'ehina yabe: Nani lu huto huto bona'i hiti kaga lu yege hose bona'i hiti enalitoga enoho lifinogo nehetilenogo bona'magi enegene mane inogo luga koli nefelenogo luga'a enahalabe.

Luku 22:14

Kana'a o leba tolago Yesu hepa'anilo hepa'anilo lito hitalo siato minolago analo aposolo pana'a hiti mino bego hite mine'ahana.

Luku 22:8

Yesu Pitanogo Yoninogo etele'mo kohe toloto bite letali Pasa nose'na li loloba nehi'inogo buto nalune luto etoho lifi'ehina yabe.

Luku 5:10

Sebetihi loe pana'a Yemesiugo Yoniugo etali Simonihi lalu'afugo etali ana hite etelesa lu'ehina. To ya hago Yesu Simonihi lu emi'ehina: Koli mehubo. Yatai faya'i kefefe hilata lili'nalo ya'ma Hu'mamofi kumu boana'i kefefe hilata bo suhi huto lenele'mo ho tilube.

Luku 9:10

Yesuhi aposolo panana'a aku'i ete li nupa hi su helete asaga'na enali hi'ahana Yesuhi lu emi'ahana. Ai asaga'i pana'alobo'a enele'moto luga'a fato bona'i nohe'mi epoloto enaligo Betesaita hepato bi'ahana.

Yoni 12:22

Ya lago Filipiu kehelito lalu'afihi Atulu nohinalo buto ana kaga lu emi'ehina. To keheligo etali moneka Yesutoga bite lu emi'aha'ina: Giliki bona'i enali kai kumu sa sa nehabe.

Yoni 13:23

Pana'alobo mone'a Yesu bita hina'a ai Yesutoga hepito mino'ehina.

Yoni 20:2

Ya bu goloto'a i behe huto hololu luto Simoni Pita hiti to Yesu bita hu'ehina koko pana'a hiti etalitoga buto lu etimi'ehina: Enali Sipi Boti muli'moguti le'me he'mite kofite bifa hi'ahanagi hiyaga mele'ehilabe? Mekehelune, luto lu'ehina.

Yoni 21:2

Pana'alobo'amagi Simoni Pitagi Tomasigi fato gi'a Loe Lae eteketo'ehina yabe nelana to Natanieligi ai Galili kapomofihi Kena hepato bo to Sepetihi pana'amale'i hiti to Yesuhi fato pana'alobo'a loemo etali hiti li nupa hite ana hefuhi nagami beletoga mine'ahabe.

Yoni 21:20

To Yesu lu emigo Pitau i behe huto ya'ma Yesu bita hu'ehina pana'a nohigo bu go'ehina. Ya'ma bouba koyapa'i Yesu hiti pana'alobo'a hiti nonugu minete Pasa nose'na nete nehago loka ho'ehina: Sipi Bo, kai kumu kiyi'afu fatehakamagihi gutunu ka lu epilina.

Yoni 21:24

To ya'ma Yesu bita hu'ehina pana'auba kaga nasana'mu lu epito to anana fayahi koyo'ehina bo ma nohibe. To ya hu'ehina'mu lali kaga lu'ehinamofihi akehelito ma'naka lu'ehina yabe lu'ohune.

Yoni 6:67

Ya hago 12 koko pana'amagihi Yesu enoloka ho'ehina: Lenalibe, lenali ana hite he'mi netete bilafi?

Yoni 6:70

Ya luto lina ka'alo Yesu nona'a lu epi'ehina: Nani 12 koko panana'i lenele'mo'ohunamo ni'ifihe? Lenali folagahatiniguti mone kene'i foipa fele nohibe.

Yoni 6:71

Simoni Isikelioti yabe lite gi helata nehana bomofihi pana'a ai aposolo bo mone nohina'a gi'a Yutasi ai Yesu kumu fateha'amagi enelepilina yanana'mu Yesu lu'ehina yabe.

Yoni 6:8

Ya ligo aposolo pana'a mone Simoni Pitahi gona'a Atulu ma luto lu'ehina:

Aposolo 1:13

Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.

Aposolo 1:26

Ya lite nunumu hilete enali luga'amagi Mataiyasio yabe lite enayahi netigo to luga'amagi Basabasio yabe lite enayahi tina Mataiyasiu be ligi'ehina yabe. Ya higo enali Mataiyasihi nayahi luga luga su hoto nigigusagati mone heleko malago aposolo pana'i minanalo le'mo mele'ahana yabe.

Aposolo 12:2

To ai Yonihi gona'a Yemesihi kosa emitatu i gitigigo fili'ehina yabe.

Aposolo 3:1

Mone yupahi Pitaugo Yoniugo utehi yege limito sili sili noligo nunumu hilata kanalo sipi mono nohi ni'inaloga ti'aha'ina.

1 Koliti 15:7

Analoti gona'a Yemesihi huto hu be li'ehina analoti aposolo asaga'i huto enebe li'ehina.

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

Hibulu 3:1

Ya hu'ehina'mu mono bo nalalu'nigita, kokulumagu naga'i lolo hilabe luto Hu'mau elesa molo lepi'ehina. Lenali keheli emilata nohutamofihi mono ka leli'ali bo to mamufa gi emilata bo sipi'a Hu'mau ho lifi'ehina bo, Yesuhi bu go bati hite bu ge'ehilo.

1 Pita 1:1

Nani Pitaita, Yesu Kilisitohi aposolo nohuna bo, Hu'mau nele'mo eto hu'ehina. To Hu'mau lenele'mo ho ti'ehina bona'magita, lenali guna molo'ehinalo Ponitasi metoga hiti Galesia metoga hiti Kapatosia metoga hiti Esia metoga hiti Bitinia metoga hiti tili tele hite mine'ahana lenali'i fayahi ya'ma koyoto nolepube.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

2 Yoni 1:1

Oho, kai Sipi Bouba kele'mo eto hu'ehina a'ise. Olopa bo kohe'amofita nani fayahi koyo nokumube. To kai paka panaka fayaha nasana ya'ma koyoto noepube. Nani komopa'ni lepito koyoto nolepube. To nani'nisigo meni'ibe. Ka'a lamana'a kehelite komopa'anigu melelata nehana bona'i enali asaga'i komopa'ani lepilata nehana ni'ibe.

3 Yoni 1:1

Oho, Gaiyasio, nalalu'niga komopa'ni kimi'ohuna bona'ise. Olopa bo kohe'amofita nani fayahi nasana ya'ma koyoto nokumube.

Huto Hilina Ka 1:1

Yesu Kilisito le'mo belegepa ito lu'ehina kaga kana'a yatama mehu'ehigo ana'ina huto hilibe luto Hu'ma lu'ehina ya'ma Hu'mamofihi agoya bona'a lu epilibe luto Yesuhi lu emilago ai agelo'amofihi lifilago agoya bo'a Yonita lu nimito nelepi'ehina.

Huto Hilina Ka 1:9

Lenalalutinifita Yonita nani hiti to lenali hiti Yesu kumu luto keke bake to Hu'mamofihi kapo'agu to keta'a hiti nasana kofito minolata nohuta yamofihi lenali hiti moneka liloto nominonamofita nani fayahi ya'ma koyoto nolepube. Nani Hu'mamofihi kaga'a to Yesuhi gi'a lu huto huto luna'mu luto Patamosi metoga hege nagamilugu ti'ehinalo noho lifigo he'mito nohuna.

Huto Hilina Ka 18:20

Lenali kokulumagu nehana to Hu'mamofihi pa sose bona'a to aposolo bo to mono ka lu yege hose bo nehana lenali ya'ma lenegelo bite komopatinigu bati hino. Hepa'i sipi'amofihi foipana'amagi lenalitoga keta'a hu lepele'ahanamo ya'ma Hu'mau yatai nona'a epito pa nosabe.

Huto Hilina Ka 22:8

Nani Yonita ana'ina silaga'i ya'ma bu goto kehelito li su ho'ohuna. Keheli su holoto'ni agelouba ana'ina ya'ma nelepi'ehina ai gigusa'aluga buto lipito nalapusa fi emilube'mu nohugo