Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 10:19 - Ka Lamana'a Monoꞌi Lu Mu Tifiꞌehina Ka Yabe

19 To ka foyagu lenele'mete nebinogomo lenali kaga lilana'mu henabe lilune lite lenekesa yigi to hiya'a huto kaga lilupi lite lenekesa yigi babu melilo. To ana kana'a noenogomo kaga lilana lenabagalo alina'mu yabe.

အခန်းကိုကြည့်ပါ။ ကော်ပီ




Matiu 10:19
20 ပူးပေါင်းရင်းမြစ်များ  

Enali nani kumu lite lenali'i gamani bona'i hiti to enikibina bona enubulo lenele'mo yegelo melete ka foya li lepalalana'mu yabe. To mono ka ana gamani bona'i hiti to fegutoga bona'i hiti lu epilana'mu lite ya hi lepalana'mu yabe, luto Yesu lu epi'ehina yabe.


Ya'mu luto nani lu nolepube. Lenali nagami'i to nose'na nete minalana'mufi to gukete lenugufalo li hekelete minalanamu'i lenelesa nolinogo lenekesa yigiba yigiba mehilo. Bati huto minose'nauba nose'na ho'ehifi to bati huto minose'nauba guketemofihi ho'ehibe?


Ya hu'ehinagi lenali nose'na nalana'mufi to gukete li hekalalana'mu lenekesa yigiba yigiba hilete lenelesa melino.


Ya hu'ehinagi yagomo'mu hena'ni hilube luto kekesa yigi babu melubo. Hu'mau yagomo kaba hu ketalibe. Kai moneko moneko kanamu'i kekesa kehelito minobo.


To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?


Ya'ma lite lenekesa yigi babu nelilana kana'alo kaga'anilo lilana kaga Sikalafu'uba lenelepilina'mu yabe, luto Yesu lu'ehina yabe.


Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.


Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.


Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.


Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ