Matiu 10:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Lenali kehelilo. Nani lenali'i sipisipi yaga legi huto lopi kalamagihi folagaha'anigu lenoho lufube. Ya hu'ehinagi lenali ka keheliya ise osifa legi hite ana'ina lolo hilune'mu nehitemo yata'a lenekesa yigi fe liletebe. To lenali lufu namamofihi hapa'a agoya'a nina suhi lite minalo.

Matiu 10:16 ပူးပေါင်းရင်းမြစ်များ

Matiu 24:25

Lenali kehelilo. Ya'ma ka'mu luto kohe toto yata'a kaga alu lepi'ohube.

Matiu 24:45

Lili'nalo pana'i mone hiya'a bati'a nohuto ai ekesa yigi bati huto lili'na'alo kaba hu bati nohibe? Kaba bo'auba luga'a lili'nalo pana'magi kaba bo'ani le'mo nomoloto kana'a nohinogo nose'na epilata pana'i yabe.

Matiu 25:2

To nayahi mone kegi'a su hana yafana'i enali enekesagu fe melina yafana'i yabe. To nayahi luga kegi'a su hana yafana'i enali enekesagu fe lu'ehina yafana'i yabe.

Matiu 25:4

To enali enekesa hiti yafana'i enali lamu libi'ani nelite to kilulu koha'anigu kalasini heki bai tete su nohenogo heki bilana kaba'a lite bi'ahana.

Matiu 25:9

Ya lago enali enekesagati kalasini'ani hiti lite ana yafana'magi li'ahana: O'e, ma li'ohuta kalasiniuba lali hiti lenali hiti bati mehilina'mu yabe. Lenali situaluguti bite fato'i mina filo.

Luku 10:3

Lenali bilo. Nani lenali'i sipisipi yaga ikele'a legi huto lopi kalamagihi folagaha'anigu lenoho lufube.

Luku 21:15

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Aposolo 20:29

Nani lenalitogati bu fa hulenogo foipa bona'i lopi kala tegi nehana bona'i enali lenofolagahatinigu ete ginaga mefilete komopatini le'mo sibina hilabe luto keheli'ohube.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 11:14

Ya nehite yamofihi nasana'a fato fato'mofihi mone li'ahabe luto lilupihe? Ya luto meni'ibe. Satau ai hiti ya'ma agelo bona'a fi fana tete enali babeyafa'a lolo hulata nohibe.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

2 Koliti 8:20

Yamofihi laga mehina ka mone huto hu lalibe luto babu efahi ya'ma legeso hite kaba hila'ibe luto etoho lufugo neba'ibe.

Filipai 2:15

Ya nehite foipanatini meminose komopatini gulu gulu linogo minalabe. Ya nehite bona'i li nupa hilata lisipa bise bo to li sibina sabana hilata nehana bona'i enali metepu komopa'agu ya'ma lenali Hu'mamofihi panala'a pana'a komopatini bati hulenogo lolo hite minete sonofi'i lolo hite fi fana talabe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 4:5

Enali Kilisitohi naga'i menehana bona'magihi fulu hite kehelilete bebe sana hapa'a hi epalalo. Ya hite, asaga yupahi ka lamana'a lu epise'namofihi kapo'a sa sa hite mone fa'mene meminese enehe'mete Yesuhi hapa'a enelepilo.

1 Tesalonika 2:10

Lali komopati fana tago minoto bati huto foipanati meni'igo lamana huto lenalitoga bula ola huto mino'ohuta lenali hiti to Hu'ma hiti hapati keheli'ahabe.

1 Tesalonika 5:22

Ana'ina foipana fato fato'mofihi ni'ina yamofihi he'milo.