Matiu 1:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya hu'ehina Yosefeu ai Malia hiti nohi kete ya hite mehuse nohigo Maliau pana'i keto'ehina. Ya higo Yosefeu ana pana'mofihi gi'a Yesu yabe luto molo'ehina yabe.

Matiu 1:25 ပူးပေါင်းရင်းမြစ်များ

Matiu 1:21

Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.

Matiu 1:24

Yosefeu bu'i ko'ehinati ho tiloto Hu'mamofihi agelo'auba bamulugu lu emina'a huto Maliahi li eto'ehina.

Luku 1:31

Kehelibo. Kai yagapana kumu hiti huto pana'i ketalata'mu yabe. To kai gi'a Yesu luto molobo.

Luku 2:21

Alihi nayahi mone kegi'a su hoto mone kegi'ati loegi monegi heleko malago kana minelete ana pana'mofihi gufa'a laga nehite gi Yesu lite mele'ahana. Koyapa'i ai ito'afihi ipa'agu huto mehu'ehigo agelouba yamana gi ho'ehina yabe.

Luku 2:7

To ai yagapana'i yege'a pana'i ketoto'a katatu sa gi etoloto bulumaka yagamagi nose'na nenana sepeke'nagu ko eto'ehina. To etali ya'ma yagamagihi noha'anigu mine'aha'ina. To hena'mugope, bona'i kose nohi bai to su ho'ehinagi anagu meti'aha'ina yabe.

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.