Matiu 1:21 - Ka Lamana'a Monoꞌi Lu Mu Tifiꞌehina Ka Yabe

²¹ Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.

Matiu 1:21 ပူးပေါင်းရင်းမြစ်များ

Matiu 1:25

Ya hu'ehina Yosefeu ai Malia hiti nohi kete ya hite mehuse nohigo Maliau pana'i keto'ehina. Ya higo Yosefeu ana pana'mofihi gi'a Yesu yabe luto molo'ehina yabe.

Luku 1:13

agelouba ma luto lu emi'ehina: Sekalaiyao, kai koli mehubo. Hu'mau ai nunumuka akeheli'ehibe. Lihaka Elisapetiu ai panaka ketalina'mu yabe. To kai gi'a Yonio luto molobo.

Luku 1:31

Kehelibo. Kai yagapana kumu hiti huto pana'i ketalata'mu yabe. To kai gi'a Yesu luto molobo.

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Luku 2:21

Alihi nayahi mone kegi'a su hoto mone kegi'ati loegi monegi heleko malago kana minelete ana pana'mofihi gufa'a laga nehite gi Yesu lite mele'ahana. Koyapa'i ai ito'afihi ipa'agu huto mehu'ehigo agelouba yamana gi ho'ehina yabe.

Yoni 1:29

Eteka'a Yesu Yoni nohinalo ago bu goloto ma luto lu epi'ehina: Malo Hu'mamofihi sipisipi yaga nala'a nohibe. Ai asaga noto noto bona'magi foipana'ani li he'mi noepololata nohibe.

Yoni 4:42

Ya hilete ana a'mofihi ma lite lu emi'ahana: Yatai lali keheli amuya molone. Kai lu limita kaga ni'igopa laliti baga'aguti akeheli etone. To ai lusiga ma'naka luto asaga melugu boana'i oto enele'mo enubuto bilibe li'ahana bomo nohibe lite li'ahana yabe.

Aposolo 13:23

To Hu'mau li huto hilube luto koyapa'i ka molo'ehina suhi li huto huto ya'mana bo Tebitihi nagaluguti bo mone huto hu'ehina Yesu yabe. Ai koyapa'i Hu'mau kaga molo'ehinamo'mu ya'mana bouba asaga Isilaeli bona'i enele'mo enubuto bilina bo nohibe luto epi'ehina.

Aposolo 3:26

Hu'mau koko pana'a le'mo ho tiloto lenali lusa lepilibe luto lenalitoga yata'a ho lifi'ehina. Ai komopatini li gelehe huto foipanatini li he'mi lepalalube luto o'ehina yabe.

Aposolo 4:12

Bo mone fato'i nohinauba melehe'malina'mu yabe. Yesu ai'asigoko lele'mo lubuto bilata bo nohibe. To asaga hepa'i ni'inalogati mone gihiti bo fato'i lubuto biloto lele'malibe luto Hu'mau le'mo huto mehu'ehina yabe.

Aposolo 5:31

Hu'mau le'moto tito yahi lamaga'aga molo'ehigo nohibe. Lali Isilaeli bona'magita kaba boti lehe'malube luto nohinago lali aitogago komopati emito aitoga binogo foipanati li he'mi letalina'mu yabe.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Hibulu 7:25

Ya hu'ehina'mu minoba minoba huto nominana bouba ya'ma kana'amu kana'amu lali kumu yabe luto Hu'mamofitoga buka tilata nohinaya ai'a lubuto bise foya Yesuhi foya'amu luto Hu'mamofihi bulo bulata nohuta bo bati huto lamana'agu lele'mo moloto lili'nagu lele'mo hetofa hulata nohibe.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.

1 Yoni 3:5

To lenali Kilisitohi hapa'a ya'ma kehelilata nehabe. Ai foipa nasana ligoli hulata hilube luto huto hu'ehina ni'ibe. Ya nohuto aitoga ya'ma foipana'a meni'ibe.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.