Maki 9:9 - Ka Lamana'a Monoꞌi Lu Mu Tifiꞌehina Ka Yabe

⁹ To alihi kosaloti nelimigo, Yesu amuya ka lu epito ma luto ka epeki'ehina: Lenali yatai bu ge'ahanana bona'magihi lu meepilo. Alihi nani, Kokulumaguti limi'ohuna Bomofita fili'ohunaguti ho notinogo'ni bati hite ka lu epilabe.

Maki 9:9 ပူးပေါင်းရင်းမြစ်များ

Matiu 12:19

Ai bona'i ka epekito enubunepa ito mehilina'mu yabe. To sipi kapoguti kehe kehe ito kaga nolinogo nogo'a mekehelilana'mu yabe.

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Maki 5:43

To ho tito humofa'na nohigo Yesu: Ma pa'mofihi nose'na mone'a lite ete emilo, luto'a yalo amuya ka lu laga huto ma luto ka epeki'ehina: Lenali ya'ma asaga bona'magihi ka lu meepilo. Yesu ya luto lu epi'ehina yabe.

Maki 7:36

Ya higo, Yesu asaga bona'magihi ma luto lipoti epi'ehina: Lenali fato bona'magihi ya'ma hu'ohunana lu meepilo. Ai ya luto lu laga huto lu epi'ehibe. Yesu luto lu epiba epiba huto hulago, enali aku'i bite fato fato bona'i lu epiba epiba hi'ahana yabe.

Maki 9:10

Ya ligo, enali kehelite ka lu meepise minete'ani, suguna hite enegekesa yigiba yigiba hite mine'ahabe. Ai fili'ehinaguti ho tilube luto nolina kamofihi hapa'a henana ni'ibe lite enegekesa kehelite ai loka hago ai loka hago hite mine'ahana yabe.

Maki 9:8

Ya ligo, enali bu ge saga hite'ani fato bomale'i felefa ha'igo, Yesu ai'asigo nohigo bu ge'ahana yabe.

Luku 24:46

Ya hago ai lu epi'ehina: Mono kagu ma luto nina yabe. Mesiau gabu gise'na li kofito fililoto loegi monegi yupanugu aku'i kene keliguti ho tilina'mu yabe.

Luku 9:36

Ya luto lu su ho'ehigo Yesu ai'asigo fa'mene nohinagi bu ge'ahabe. Pana'alobomagi bu ge'ahanana asaga'i suguna hite fato bona'i kaga mone meepise nehite mine'ahabe.