Maki 9:7 - Ka Lamana'a Monoꞌi Lu Mu Tifiꞌehina Ka Yabe

⁷ To yalo enalitoga sopohi gilago soponuguti nogo moloto ma lu'ehina: Ya'ma bo nani'ni pana'ni nohibe. Nigi moneko pana'ni nibita hu'ehina pana'ni nohinagi ka'a kehelilo.

Maki 9:7 ပူးပေါင်းရင်းမြစ်များ

Matiu 27:43

Ai Hu'mamofihi komopa'a emito ai pana'a nohube lulata hu'ehina ai Hu'mau yatai abuto bino.

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Maki 1:11

To kokulumaguti Hu'mamofihi nogo'auba ma luto lu'ehibe: Kai nigi moneko pana'ni, nebesita pana'ni nohane. Nani kofokehi gofa nolube.

Maki 9:6

Enali pana'alobomagi enelesa gofa ligo, Pitau koli nohuto hena ka lilube, luto ekesa kehelito ana ka lu'ehibe.

Maki 9:8

Ya ligo, enali bu ge saga hite'ani fato bomale'i felefa ha'igo, Yesu ai'asigo nohigo bu ge'ahana yabe.

Luku 3:22

Ya nohigo Sikalafu'i kigopa nama legitana huto aitoga nolimigo bu negago kokulumaluguti nogo moneuba ma luto lu'ehina: Kai nani pana'ni yabe. Kai nibita huse pana'ni nohane. Komopa'ni kaitogago nokumube.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 12:28

Ke, afo'niga. Kigikamo le'mo hofa tobo. Ya ligo kokulumaluguti nogo'a moneuba lu emi'ehina: Nani nigi'ni le'mo hofa to'ohunagi to aku mone hiti le'mo hofa talunagihe.

Yoni 19:7

To Yuta bona'magi ka nona'alo lu emi'ahana: Ai miya bo Hu'mamofihi pana'a nohube lu'ehina yana'mu ai hiti Hu'mamofi hiti moneko'na nohu'ibe nolina yana'mu ho fililibe. Lali keya kaguti ya luto nolibe.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Yoni 5:18

Ya luto lina kamu'i Yuta bomagi enipagu logo sipi bigo enugufa'ani ule'ale hite Yesuhi ho fililune'mu ana'asilo hi'ahana. Hena'mugope ai fuli kana'anilo o'e li'ahanamofihi pelesa noito Hu'ma nani'ni afo'nifu nohibe luto Hu'ma hiti ai'a le'mo moneko hina'mu yabe.

Yoni 5:37

To Afo'nifu ai'a noho lifi'ehinauba nani hapa'ni lu huto ahu'ehibe. Lenali okaba'a mone bu gela to bagaguti kaga mone nesi'a kehelila mehi'ahabe.

Yoni 6:69

To kai Hu'mamofihi lamana pana'a monekomo nohane luto komopati kaito kimito keheli ule'ale ahu keto'ohune.

Yoni 9:35

Enali ana bomo he'mi ete'ahana yamofihi Yesu kehelito ai kumu sa hu'ehina. Ai etafa huto lu emi'ehina: Kai Kokulumaguti limi'ehina Bomofi kumu keheli pili ko'ahatafihe?

Aposolo 1:9

Yesu ya luto kaga lu su holago enali be gelete nehago Yesu kokulumalugu notigo sopohi moneuba oto le'mo fenene enubuloti hu'ehina.

Aposolo 7:37

Ya'mana Moseu ma luto Isilaeli bona'a lu epi'ehina: Nani nele'mo huto hu'ehina bameto suhi huto li moloto kaga lu yege hose bo lenali folagahatiniguti le'mo ho tilina'mu yabe lu'ehina.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

Hibulu 2:1

Ya hu'ehina'mu lali laga mehina kapo legeso huto bili lalune luto ka'a keheli'ohutamo ya'ma aku'i le'mo kosaba huto amuya moloto li pili koto kehelito minalune.

2 Pita 1:17

Ya nohuto'ni pana'alobo'a luga'a hiti lali ya'ma hepifa kosalo li nupa huto nohutogo kaga mone ma luto kokulumaguti limi'ehina keheli'ohutamo ni'ibe. Yamofihi Hu'mau afotifihi gi'a le'mo ho tinogo fana mehena'a fi fana to letenogo kokulumagu ya'ma sipi fana meha'a hiti bouba aitogati nogo'a moloto kaga ya'ma luto ma luto limi'ehinamo ni'ibe: Pana'ni lamana'a moneko ya'ma nohibe. Ai'i ya'ma bu nogogo nibita nohibe. Ya noligo laliti akeheli'ohuta yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.