Maki 9:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Lusiga lu nolepugi keheli'ehilo. Bo moneubafi moneuba lenali Kilisitohi naga'i nehana kumu luto nagami'i mone nesi'asi lepinogo, Hu'mau alihi nona'a hetofana'a emilibe. Nani bona'ni nagami epi'ahatalo yabe luto mina'a emilibe. Yesu ya lu'ehibe.

Maki 9:41 ပူးပေါင်းရင်းမြစ်များ

Matiu 10:42

To bo moneuba fatoga boana'i neago bu enogoloto'a: Akae, ma boana'i Yesuhi naga'amo nehanago enehe'malube luto ekesa kehelito yatipa nagami'i konugu hefito epi fulu hilina boya ma'naka luto lu lepube. Ai ana bouba mina'a liba liba hilina'mu yabe, luto Yesu lu epi'ehina yabe.

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

Maki 4:10

Yesu ya lulago alihi bona'magi bi su helago ai'a pana'alobo 12 magi, to anaga minana bona'magi fono kamofihi hapa'amu'i loka he'ahabe.

Romu 14:15

To lenali mone nose'na nalana'mu fato bouba bu goloto ana nose'namu komopa'a sibina hinogomo henabe lite ana nose'na nalabe? Yalo lenali ana bo'mu leniginaga mefise bati mehu'ehina. Ya'ma bo'mu Kilisitou afili'ehinagi komopa'a amuya memolo'ehina bomofihi le'mo sibina hu laligi ana nose'na menalo.

Romu 8:9

Lenali ya hite meneminabe. Hu'mamofihi Sikalafu'uba yuhufa komopatinigu nominago lenali ka'a kehelite agoya hu emilata nehabe. To bona'i moneuba Yesu Kilisitohi meha'auba komopa'agu menohinogomo ana bona'i Yesuhi bona'i menohibe.

1 Koliti 15:23

Fi lehe tete ho tilabe luto lu leto'ehinalo ho tilune'mu hune. Kilisitohi le'mo kohe to letoto ho ti'ehinamo ni'ibe. Alina kana'alo ya'ma ai naga'a lali ho tiluta'mu yabe.

1 Koliti 3:23

To lenali ya'ma Kilisitohi bona'a nehabe. To Kilisito ya'ma Hu'mamofihi pana'a nohibe.

2 Koliti 10:7

Nani hapa'ni lenogobisalo huto nohinamofihi legeya'a bu galo. Lenalitogati bo moneubafi moneuba ai'amu kehelito Kilisitohi yagapana'a lolo hilinauba ai'amu ma luto kehelibe. Ai moneko'i Kilisitohi bona'a menohibe. Lali hiti ana huto asaga Kilisitohi yagapana'ago nohune.

Galesia 3:29

Lenali Kilisitohi naga'i lolo hi'ahana ni'inogomo yana'mu Abalahahi panana'a lolo hite nehite Abalahahi yogo fe'nohi Hu'mau molo etalube luto lu eto'ehina ya'ma asaga'magita lenali'na lolo hilube'mu hibe.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.