Maki 9:3 - Ka Lamana'a Monoꞌi Lu Mu Tifiꞌehina Ka Yabe

³ To kata'a ana huto besa lago lusi koholina lolo hu'ehibe. Melugu bona'magi kata okala henogo ya suhi huto koholina lolo menohibe. Lusi koholina gofa huto lolo hu'ehina yabe.

Maki 9:3 ပူးပေါင်းရင်းမြစ်များ

Matiu 28:3

Ya'ma agelo okaba'alo kopisi'na suhi huto besa besa lo'ehigo to gukete ana huto koholina sipi'amo huto hu'ehina.

Maki 9:4

To Yesu ya huto yege fise'na lolo nohigo, koyapa bomale'i Elaiya hiti Mose hiti enubulo huto hite'atiti Yesu hiti kaga lite nehago bu ge'ahabe.

Luku 9:29

Yesu nunumu huto nohigo okaba'a fato suhi huto huto huloto gukete'a koholi logo huloto gulu gulu luto fi besa lo'ehina.

Aposolo 10:30

Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.

Huto Hilina Ka 19:18

Ya nehite enigihiti bo enali'i enugufa meme'ani to luba kaba bomagihi enugufa meme'ani to gimi bomagihi enugufa meme'ani to hosi yagamagihi hiti enemegesalo mine'ahanamagihi enugufa meme'ani to yege yege bona'i hiti kele kele panana'ani to nagalugu minete to fa'mene minana'a to tite nehana'a limite nehana'a enali enugufa meme'ani nalabe luto lu'ehina.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.