Maki 9:29 - Ka Lamana'a Monoꞌi Lu Mu Tifiꞌehina Ka Yabe

²⁹ To ai ma luto lu epi'ehina: Ya'mana felemo amuya kene'i nohina yabe. Lenali fa'mene le'mo he'milana meni'ibe. Hu'mamofitoga yata'a nunumu hite loka helete alihi bati hite le'mo he'milana'mu yabe.

Maki 9:29 ပူးပေါင်းရင်းမြစ်များ

Matiu 12:45

To ya huto ni'igo ana noha'a bu goloto ai aku'i ana noha'aguti heleko limito buto sebeni'a foipa fele enele'moto ago ana noha'agu minelata nehabe. Koyapa'i ana bo nesi'a bati huto minolata hinamo yatai babu foipa fele ete ai gufagu bai tago ana bomoya foipa loto bati mehulata nohibe. To aku'i su holotomo ema afetogati hapi fito tilata nohibe. Yatai kanalo foipa bonatoga ya'ma suhi luto huto hilina'mu yabe, luto Yesu lu epi'ehina yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 17:21

Ya hu'ehina ya'manamofihi foipa fele ho lifise kapo'a fato'i mone meni'ibe. To nose'na mo sito nunumu foya liseubago anasi ana foipa fele ho lifilina'mu yabe.

Maki 9:28

To alihi Yesu nonugu tilago pana'alobo'amagi suguna hite ma lite loka he'ahana: Lali ana felemofihi he'mi etaluta henabe luto bati mehu'ohune?

Maki 9:30

To enali ana hepatogati he'mite bite Galili kapogu kapo melete bi'ahabe. To Yesu: Nani kumu bona'magi kehelilana laga'ni menebesibe luto ligo suguna'i bi'ahabe. Ai pana'alobo kaga lu epito nohigo suguna'i bi'ahana yabe.

Luku 11:26

To ya hu'ehigo ai aku'i ana noha'aguti heleko limiloto buto nayahi mone kegi'a su hago mone kegi'ati loemo heleko malago foipa fele enele'moto ago ana noha'agu minelata nehabe. Koyapa'i ana bo nesi'a sibina huto minolata hinamo yatai babu foipa fele ete ai gufagu minago aimoya mone'na suhi huto foipa gofana loto sibina bo minolata nohibe, luto Yesu lu'ehina yabe.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

1 Koliti 9:27

Nani bona'magihi mono ka lu epi epi huto nohuto nani'ni fa'menena lolo hu lalube luto nugufa'ni lelito limito moloto kaba'a hu etoto nominobe.

2 Koliti 11:27

Hitupa foya lito nugufa nagabu'i gigo humofa'na huto nubu'i ko bati mehuse humofa'na huto kau'namu filito yafi nagami kumu nebesigo yasi'mu filito mino'ohunamo ni'ibe. Gukete'mu to nebelusa'mu sa sa huto mino'ohunamo ni'ibe.

2 Koliti 12:8

Ya hinogo he'mi neto lalibe luto Sipi Bomofitoga kana loebe monebe yupahi loka ho'ohunamo ni'ibe.

2 Koliti 6:5

Segi osatu ite i kehe li keheli nehago naga nonugu mino'ohuta kalana'i melete lehalune'mu nehago minolata hu'ohutamo ni'ibe. Keke'i luse foya lito nohuto, lubu'i mekose ho tiloto nohuto nose'nati menose minomo buto nohutogo Hu'mamofihi foyalo bo'a nohutamofihi hapa'a ya'ma huto huto hulata nohibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Yemesi 5:15

Hu'mamofitoga enemehi emite keheli ule'ale hilete gi'a halana yamofihi Sipi Bouba le'mo hetofa hinogo besi'ehina bo ye koto ho tilina'mu yabe. Foipana'a ni'ilina yamofihi Hu'mau li he'mi etalina'mu yabe.