Maki 9:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ya ligo, enali ana pana'mo aitoga le'mete ago, ana feleuba Yesuhi bu nogoto'a pana'i kalake nohago melugu kanafu tito nokoto kese kese noito, libi'na goya goya huto ko'ehibe.

Maki 9:20 ပူးပေါင်းရင်းမြစ်များ

Maki 1:26

Ya ligo foipa feleuba ana bomofihi le'mo igo kesepu kesepu ito sipi nogo nomoloto moha tuto he'mi etoto komopa'aguti tito bufa hu'ehibe. Ya higo asaga bona'magi topa nehete: Ya'ma hena hu'ehibe? lite, ai loka hago ai loka hago nehite ma lite li'ahana:

Maki 9:18

To fato fato yupapogu feleuba ekesalo i hekini lolago, ai kana fu tito libi'na goya goya nohuto to baga yogo'a heni sala nokoto to gufa'a kesepu kesepu ilata nohibe. To nani ana pana'ni kaitoga le'moto bilube'mu nohuto'ni ya'ma pana'aloboka, lenali le'mo he'mi etalo luto enoloka honamo enali le'mo bati mehi etese mine'ahana yabe.

Maki 9:19

Ya ligo, ai ma luto lu epi'ehina: Abo. Lenali yatai bona'i nanitoga lenemehi mebina bona'i nehabe. Nani lenalitoga henaki yupahi minelenogomo nanitoga lenemehuba bilibe? To henaki yupahi lenegeba hulenogo ka kehelilabe? Ana pana'mo nanitoga le'mete alo.

Maki 9:21

To Yesu ana pana'mofihi afo'afihi ma luto loka ho'ehina: Panaka henaki kanagu ya huto mino'ehibe? To afo'afu: Koyapasana, lagaso'asi nohinati ya suhi lu'ehibe.

Maki 9:26

Ya ligo ana feleuba sipi nogo moloto pana'i kalake gofana huto ho etoto he'mi etoto bufa hulago, ana pana'i fili'ehina legi huto minabe. To asaga bona'magi bu gete: Afilifa hu'ehibe lite li'ahana.

Luku 4:35

Ya ligo Yesu ana foipa felemofihi ka emekito lu emi'ehina: Kai kaga nolata kabaga li sumu kito ya'ma bo he'mi etobo. To asaga enubu'anilo ya'mana foipa fele komopa'agu nohinana ana boti he'mi etoto nobuto le'mo felu hago buto ko'ehina mone gufa'a le'mo sibina hula ya hula mehu'ehina.

Luku 8:29

Yesu yata'a foipa fele komopa'aguti li he'mi etana molo nokehelito kehe i'ehina. Babu yupahi ya'mana foipa feleuba ana bo li sa gilago to bona'magi gigusa yapolo naga'i gi pili ko ete'ahana'mu i pulu tigo ka melugu le'moto bulata nohina yabe.

Luku 9:39

To foipa fele moneuba ana pana'i nu nokigo ai sipi kehe ilata nohibe. Ya nohigo ana foipa feleuba ana pana'i nu kito melugu le'mo ho kago melugu afoya tibibi huto nokago bagalugati gele yau yau huto libi'na limilata nohina yabe. Ya nohigo ana pana'mofihi gufa'a hetito sibina huto mele'isi mehe'mi etose'na nohibe.

Luku 9:42

Ya noligo ana pana'a noago ana foipa feleuba le'mo ho kago melugu koloto kesepu kesepu noigo Yesu ana foipa felemo ka emekito ana pana'i le'mo bati huloto afo'afihi ana pana'i emi'ehina.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe