Maki 9:2 - Ka Lamana'a Monoꞌi Lu Mu Tifiꞌehina Ka Yabe

² To yalo, loeyagi loeyagi loeyagi yege yupahi su holago, Yesu Pitanogo Yemesinogo Yonigihi enele'moto buto sipi kosagu tito'a, anaga enubu'anilo gufa'a gulu foto besa lago yege fise'na huto mino'ehibe.

Maki 9:2 ပူးပေါင်းရင်းမြစ်များ

Matiu 14:13

Yesu ana kaga keheliloto ana hepa'i nohe'mito boti lito bona'i menehana hepalugu bu'ehina yabe. Ai'asi bu'ehina yabe. Ya hu'ehigo enali boana'magi kehelilete hepa'ani nehe'mite mege'i lifite bi'ahana yabe.

Maki 14:33

Ya luto ai Pitagi Yemesigi Yonigi, enaligo enele'moto nobigo, komopa'agu sipi keta higo ipa'agu gabu'i gofa gigo ma luto lu epi'ehina:

Maki 16:12

To yalo pana'i loemale'i kifigu bilu'ibe'mu kapo nemala'igo Yesu huto huse fato'i etubulo huto hu'ehibe.

Maki 5:37

To ya luloto Pitagi Yemesigi to Yemesihi gona'a Yonigi enaligo enele'moto buto mono nohi kaba bomofihi noha'aga neheti'ahabe.

Luku 6:12

To ya'mana yupahi Yesu nunumu hilube'mu kosa monelugu tiloto Hu'mamofitoga nunumu hu emi'ehina. To nunumu huba huba nohigo sinihi gito go'i lu'ehina yabe.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

2 Koliti 13:1

Ya'ma lenalitoga aku'i binogo kana'a loebe monebe hilina'mu yabe. Mono bukugu kaga ma luto ni'ina: Ka foya lilana kanagu bo moneuba foipana hulenogo bo loebefi loebe monebefi bu gelete lu huto hilenogo lama'naka litemo ni'ibe. Lenalitoga bu nehetilenogo ana kaga'a keheliloto ka'a lilube'mu hube.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

Huto Hilina Ka 20:11

To nani sekele mamu'a hiti kefa hisa sipilo koholi nasana mone bu go'ohube. Gupisa'alo mino'ehina ai gobisa bu go'ohuna ya'ma kokuluma hiti me'i hiti gobisaloti koli hilete aku'i huto mehite'atiti minigi'aha'ina.