Maki 9:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To bo moneuba, li gehesa nehanaguti, ma luto lu emi'ehina: Oho, Babafio. Nani pana'nimo foipa fele komopa'agu nohigo, ka meluse nominabe.

Maki 9:17 ပူးပေါင်းရင်းမြစ်များ

Matiu 12:22

Bona'i luga'amagi bo mone bu'a pisi ligo kaga meluse nominana bo le'mete Yesutoga e'ahana yabe. Hena'mugope foipa fele aitoga ni'igo yabe. Yesu ana bo le'mo bati higo bu'a i gili hula to kaga lula hu'ehina yabe.

Matiu 17:15

Sipi Bo, kai pana'nimofihi kiginaga fi emibo. Ai negi nagi noto nominago gufa'a nohetibe. To ai babu yupahi afoya tibibi nohuto nagamilugu ho koto kola to logogu ho koto kola nohibe.

Matiu 9:32

Ana bole neba'igo bona'i luga'amagi negi bo mone foipa feleuba gufagu tigo kaga meluse nominana bo Yesutoga le'mete e'ahana yabe.

Maki 10:13

To yalo, bona'magi yagapana'ani aitoga enele'mete ete Yesu bako hu epoloto enunu kito lusa gi epalalibe lite enele'mete neago, pana'alobo'amagi ka epekite lu laga hi'ahabe.

Maki 7:26

Ana a'mo Giliki ka nolina to Silia metogati Fonisia naga'i nohina a'i yabe. Ai Yesutoga lipito minoto, amuya moloto ma luto loka hoba hoba huto mino'ehina: Oho. Pa'nimofihi komopa'agu foipa fele tito nohina kai le'mo he'mi etobo.

Maki 9:16

To Yesu pana'alobo'amagihi ma luto enoloka ho'ehina: Lenali enali hiti hena ka lite mine'ahabe?

Maki 9:18

To fato fato yupapogu feleuba ekesalo i hekini lolago, ai kana fu tito libi'na goya goya nohuto to baga yogo'a heni sala nokoto to gufa'a kesepu kesepu ilata nohibe. To nani ana pana'ni kaitoga le'moto bilube'mu nohuto'ni ya'ma pana'aloboka, lenali le'mo he'mi etalo luto enoloka honamo enali le'mo bati mehi etese mine'ahana yabe.

Maki 9:25

Ya ligo asaga bona'magi hololu lite hetegete neago, Yesu bu enogoto foipa felemofihi ma luto ka emeki'ehina: Kai foipa fele yale. Ekesa'a baga'a i hekini lo'ahata fele yale. Ma pana'mofihi komopa'aguti he'mi etoto bufa hulotoka aku'i aitoga meobo. He'mi etoto bubo'ma.

Luku 11:14

Yesu bo mone foipa feleuba baga'a li hekini lago minolata hina ya Yesu ana foipa fele li he'mi etolago ana bo bagaguti kaga lu'ehina. Ya nohigo boana'i analo minete bu ge'ahana. Enali enelesa ligo enekesa yigi fato fato hi'ahana yabe.

Luku 9:38

To bo moneuba ana bona'magi folagaha'aniguti kehe ito ma lu'ehina: Tisao, kai yege pana'ni bu gobo. Nani moneko pana'ni nohibe.

Yoni 4:47

Yesu Yutia meluguti he'mito Galili kegi'a noabe lana'a ana bouba keheliloto pana'a Kapaneami hepato filise'na ma'asi nohina kehe inogo'ni oto le'mo ye kalibe, luto Yesu nohinalo bu'ehina.