Maki 9:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya ligo, enali kehelite ka lu meepise minete'ani, suguna hite enegekesa yigiba yigiba hite mine'ahabe. Ai fili'ehinaguti ho tilube luto nolina kamofihi hapa'a henana ni'ibe lite enegekesa kehelite ai loka hago ai loka hago hite mine'ahana yabe.

Maki 9:10 ပူးပေါင်းရင်းမြစ်များ

Matiu 16:22

Ya ligo Pitau le'mo beletoga moloto amuya ka emekiloto ma luto lu emi'ehina: Sipi Bo, enali ya mehi ketalana'mu yabe. Ya'mana suhi kaitoga huto mehilina'mu yabe.

Maki 9:11

To Yesuhi ma lite loka he'ahabe: Enali mono ka negana bona'magi Elaiya yata'a olenogo yabe lite nelana ka henabe lite ya nelabe?

Maki 9:32

Ya ligo, enali ya'ma ka'a enelepise'namofihi mekehelise nehanati to aku'i enelesa'ani ligo hapa'a loka mehese mine'ahana yabe.

Maki 9:9

To alihi kosaloti nelimigo, Yesu amuya ka lu epito ma luto ka epeki'ehina: Lenali yatai bu ge'ahanana bona'magihi lu meepilo. Alihi nani, Kokulumaguti limi'ohuna Bomofita fili'ohunaguti ho notinogo'ni bati hite ka lu epilabe.

Yoni 12:16

Ya'ma hi'ahana kana'agu Yesuhi pana'alobomagi mono kaga koyapa'i fayahi ge'ahanamofihi hapa'amu mekehelite to boana'magi Yesu kumu enegelo bi'ahananamu ana hite hapa'amu mekeheli'ahana. To alipo Yesu fili'ehinaguti ho tito kokulumamofihi fana tose'nagu ti'ehina yana kanagu ya'ma mono fayahi ge'ahanamofihi beto hite keheliya i'ahana.

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.