Maki 8:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya lago, ai asaga boanatoga: Meto minalo luto ka lu noepito'a, yalo ana beleti nose'na 7 liloto, Hu'mamofitoga fokehi liloto'a yaha'atu beleti li gofa huloto pana'alobomagihi epigo, enali lite bite yege yege bona'magihi gabu ite epigo ne'ahana yabe.

Maki 8:6 ပူးပေါင်းရင်းမြစ်များ

Matiu 26:26

Enali nose'na nete nehago Yesu beleti liloto Hu'mamofitoga fokehi hoto nunumu luloto koko pana'a ana beleti li pata sito epila epila nohuto ma luto lu epi'ehina: Lenali lite nalo. Ya'ma nani nugufa'ni ni'ibe.

Maki 8:20

To ai ma lu epi'ehina: To ma'asi, beleti nose'na 7 li gofa huto 4000 bona'magi epi'ohuna yupahi letuha'aya henaki sepeke'na li'ahabe? Ya ligo, enali: 7 sepeke'na yabe lite lu emi'ahana.

Maki 8:5

To ya lago ai ma luto enoloka habe: Beleti nose'na lenalitoga henaki ni'ibe? To enali: 7 yabe, lu emi'ahabe.

Maki 8:7

To ana huto lagaso faya'i loe'asi ni'igo, Yesu lito Hu'mamofitoga fokehi lito pana'alobomagihi: Lite bite epilo, luto lu epigo enali lite bite epi'ahabe.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

Yoni 2:5

Ya ligo koko pana'amagihi Yesuhi ito'afu ma luto lu epi'ehina: Lenali ai kaga lu lepilinamofihi mege'i malalo.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Romu 14:6

To mone yupahi napa ni'ibe lulata bouba Hu'mamofihi gi'a liyafa huse'namu'i ana yupapogu fuli minalibe. To asaga nose'na nalata bouba ana huto Hu'mamofihi gi'a liyafa huse'namu'i kaba huto nominabe. To ai ana nose'namo Hu'mamofitoga gepohi luto bati huto yabe luto lu emito nonabe. To bo moneuba fato nose'na mo sito guya'asigo nalina ai ana huto Hu'mamofihi gi'a liyafa huto bati huto yabe lu emito nonabe.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.