Maki 8:38 - Ka Lamana'a Monoꞌi Lu Mu Tifiꞌehina Ka Yabe

³⁸ To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Maki 8:38 ပူးပေါင်းရင်းမြစ်များ

Matiu 12:39

Ya lago Yesu enali kaga'anilo lu epi'ehina: Lenali yatai boana'ise, lenali bati mehana foipa boana'i nehabe. Lenali topa hose'na li huto hubo nelanaya lito mehiluna'mu yabe. To moneko ya'ma koyapa lu huto huto bo Yonaha topa hose'namo li huto hinogo'ni bu galana'mu yabe.

Matiu 13:41

Ai Kokulumaguti limi'ehina Bouba agelo'a enoho lifigo limite enali asaga'nauba bona'magihi hetofa hapa'ani li sibina nehilanana hiti to asaga bona'i foipa faipa suhi lite neminalana Hu'mamofihi kapo'aloti kaba hi'ehite enele'mo he'milana'mu yabe.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 16:4

Lenali bati mehana boana moko fako lite neminana boana'magita nani kumu'i topa hose'na li huto hu lubulo molobo nelabe. Ya nelana nani topa hose'na mone li huto hu lenubulo memalaluna'mu yabe. Lenali koyapa bo Yona huto hu'ehinanamofihi topa hose'na'ago anasi bu galana'mu yabe. Ya luto luloto Yesu he'mi epololoto bu fa hu'ehina yabe.

Matiu 24:30

Ya'mana yupahi Kokulumaguti limi'ehina Bomofihi gufa fayaha'a kokulumato huto nohinogo asaga boana'i ma melugu nehanamagi yibi hu baga ilabe. To Kokulumaguti limi'ehina Bo sopohi ifo'alo minoto noenogo bu galabe. To ai sipi amuya'a hiti to sipi fana meha'atu fi besa loto alina'mu yabe.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Maki 13:26

To yalo, Kokulumaguti limi'ehina Bouba amuya hiti nohuto to fana meha'a sipi besa nolago, ai sopohi hite aku'i kokulumaguti nolimigo, bu galabe.

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Luku 19:26

Nani lu nolepube, luto sipi bouba lu epi'ehina: Asaga bona'i ana'ina luga'a li'ehilana nani aku'i nana'anilo molo emi epalaluna'mu yabe. Ya hu'ehina to bo moneuba ana'ina melise fa'mene nohuto nesi'nasi li'ehilina be silito li he'miluna'mu yabe.

Luku 9:26

To bo moneuba nani kumu to kaga'ni enelepise'namo'mu lesa linogo to megesa hu niminogo aliha'a Kokulumaguti limi'ohuna Bo hiti Hu'ma hiti agelo'amagi hiti ya'ma fana mehenaguti alana yupahi ana bomofihi nemegesa hu noemito minalube.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Yoni 12:34

To ya luto ligo bona'magi kagalo nona'a lu emi'ahana: Lali keya ka bukugu fayahi ge'ahana: Mesia ai minoba minobo hilina'mu, henabe luto enali Kokulumaguti limi'ehina Bomofihi meluguti le'mo saga hite ho fililabe, luto lu'ahata? Kokulumaguti limi'ehina Bo kiyi'afu nohibe?

Yoni 5:27

To ai Kokulumaguti limi'ehina Bomo nohinago asaga ka foya li epolose'nalo Pana'amofihi gi emi'ehibe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

1 Tesalonika 2:19

Lenali kumu yabe luto laga'a kehelilata nohune. Yamofihi ma huto ni'ibe. Sipi Boti Yesu oto nehetilina yupahi ya'ma gobisalo hiya bona'magi lali foyatimofihi legeya'a lolo hilabe? Lenalitinigo ya'ma lali foyamofihi legeya'a lolo hilune'mu habe. Ya'ma huto hilina yupahi lali sa huto geba nohune. Ya nehinogo lenali kumu legelo bito minalune.

1 Tesalonika 3:13

To Sipi Botiuba komopatini le'mo hetofa hulenogo Sipi Boti Yesu hiti to ai le'mo'ehina bona'a asaga'i hiti nehetilina yupahi lenali ya'ma Hu'ma afotifihi gobisalo minete komopatini bati hinogo hetofa lenemehi hiti minalabe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

Hibulu 11:16

Enali ya'ma nohi hepa'i lamana'a mone lilune'mu yabe lite ya nasana'muko geba hite keheli'ahana. Kokulumalugu yamofi kumuko keheli amuya mele'ahana. Ya hu'ehina'mu enali Hu'ma ai kumu Hu'matiga yabe lite lago kehelito megesa hu meepilata nohibe. Ya'ma hena'mube? Ai'a nohi hepa'i mone li huto huto enele'mo nupa hu'ehina'mu yabe.

Hibulu 11:26

Ya huloto Iyipi metogati mone fe'no hiti mina'a sipi ana'ina ya'ma lilina kanamofihi keheligo fa'menena lolo nohigo Hu'mau gulu ho letalibe luto lu molo eto'ehina bo, Mesia kumu yabe lite eniginaga fina'a gupisalo minalube luto yamofihi keheli ule'ale huto legeya'a lolo hu'ehina. Yamofihi minomo tito mina'a huto hilina'a lilube luto ana kaga'mu kehelito li pili koto ya suhi hu'ehina.

Hibulu 13:13

Ya hu'ehina'mu lali ana huto Yuta bona'magihi koyapa'i mono gegisaguti nosipetoga aitoga limite gupisalo gili hite kiya hi'ahana nasana ana suhi huto lugupisalo tinogo kofilune.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

1 Yoni 2:28

Palala'ni pana'nimagitabe, lenali komopatini bati hinogo minete Kilisitou ai nehetilina kana'a huto hu lamana nohinogo koli mehise amuya melete nehago olenogo lubuya mehuse minalune lite ai'a komopa'agu minalo.

Huto Hilina Ka 14:10

enali ekesa bai nagami tegi huto Hu'mamofihi ita bise'na'a ni'ina fa'mene nagami'i hiti li sibi sibi mehuse ipakafa halina lapeluguti epinogo nalabe. Ya hilete hetofa agelo lamana'amagi to sipisipi nala'a enali enubulo hiti to kala efahi logogu lolenogo keligu li binogo limite nehite enagabu neginogo kehelite minalina'mu yabe.